Մուրացան

Արձակագիր

Հայրապետ Հայրապետյան

Մանկագիր, թարգմանիչ

Հակոբ Կոջոյան

Գեղանկարիչ

Շառլ Ժերար

Դերասան, կինոռեժիսոր

Հրանտ Բեգլարյան

Կոմպոզիտոր

Իգիթ Ղարիբյան

Պատմաբան, հնագետ

Հովհաննես Պապիկյան

Լրագրող, հրապարակախոս

Արմեն Դոնելյան

Դաշնակահար, կոմպոզիտոր, ջազմեն

Ալիս Կապլանջյան

Դերասանուհի

Վիլիկ Զաքարյան

Գեղանկարիչ

Սերժ Ավետիքյան

Դերասան, կինոռեժիսոր

Հմայակ Հակոբյան

Դերասան, աճպարար

Կարինե Բաբաջանյան

Օպերային երգչուհի

Անի Քոչարյան

Դերասանուհի

 

 

 

 

ԴԱՎԻԹ ՍԱՐԳՍՅԱՆ

Արձակագիր

Ծնվել է 1957թ. հոկտեմբերի 6-ին, Երևանում: Բանաստեղծ, արձակագիր Մկրտիչ Սարգսյանի որդին է: 1979թ. ավարտել է Երևանի պետական համալսարանի բանասիրական ֆակուլտետը: Աշխատել է «Նաիրի», «Հայաստան» հրատարակչություններում, զանգվածային լրատվամիջոցներում («Գրական թերթ», «Երեկոյան Երևան»), ՀՀ մշակույթի, երիտասարդության հարցերի և սպորտի նախարարությունում` վարելով պատասխանատու պաշտոններ: 1989թ-ից Հայստանի գրողների միության անդամ է: 1980-90թթ եղել է «Սովետական գրող» (այժմ` «Նաիրի») հրատարակչության խմբագիրը, 1991-98թթ՝ ՀԿԿ Կենտկոմի «Հայաստան» հրատարակչության, 1998-2011թթ՝ Հայաստանի Ազգային գրադարանի տնօրենը, ապա` գրադարանի տնօրենի գլխավոր խորհրդականն ու գիտխորհրդի նախագահը, 2004թ-ից՝ «Հոգևոր հայրենիք» մշակութային ամսաթերթի հիմնադիր գլխավոր խմբագիրը: Նրա գեղարվեստական ստեղծագործությունները և լրագրողական նոթերը հրապարակվել են հանրապետական մամուլում, թարգմանվել այլ լեզուներով: Հայկական հեռուստատեսությամբ և ռադիոյով եթեր են հեռարձակվել նրա հեղինակած հաղորդումները: 1983-90թթ հեղինակել է «Լույս է տեսել» հեռուստատեսային հաղորդաշարը, որի ընթացքում հասարակությանն է ներկայացվել հարյուրավոր գրքերի նոր հրատարակություններ: 2004թ-ից Գրադարանային միության նախագահն է: Հայաստանը ներկայացրել է ԱՊՀ-ի և միջազգային մի շարք կոնֆերանսներում: «Երկիր Մեդիա» հեռուստատեսությամբ վարել է «Գրքերի աշխարհում» հաղորդաշարը: Անդամակցում է նաև Հայաստանի ժուռնալիստների միությանը: Տպագրված գրքերից են` «Մկրտիչը, Լուսինեն և ուրիշները» (պատմվածքներ, 1986թ.), «Հայրեր և որդիներ» (պատմվածքներ, 1986թ.), «Բժիշկ Հարութը» (փաստագրական ակնարկ, 2001թ.), «Կայծ` ցեղի ոգուց» (2002թ.), «Մասիսն այն կողմից» (2004թ.), «Երկվություն» (վեպ, 2012թ.), «Ես և մերոնք» (գեղարվեստական ակնարկ, 2013թ.): 2003թ. արժանացել է Աշխարհում խաղաղության դեսպանի տիտղոսի` «Աշխարհի խաղաղության միջկրոնական և միջազգային դաշնություն» կազմակերպության կողմից: 2004թ. արժանացել է Բնության և հասարակության ակադեմիայի պատվավոր դոկտորի կոչման, 2005թ.՝ «Ֆրիտյոֆ Նանսեն» ոսկե հուշամեդալի, 2007թ.՝ ՄԱԿ-ի հասարակական պարգևների խորհրդի Ա.Պուշկինի անվան մեդալի, ՀՀ մշակույթի նախարարության ոսկե մեդալի և ՀԳՄ «Գրական վաստակի համար» մեդալի: 2014թ-ից ղեկավարում է Սարդարապատի հուշահամալիրի «Մուսա Լեռ» թանգարանը: