ՌՈՒՍԼԱՆ ՍԱՂԱԲԱԼՅԱՆ

Արձակագիր, դրամատուրգ, լրագրող

Ծնվել է 1951թ. հունվարի 15-ին, ՌԴ Գրոզնի քաղաքում: Հինգ տարեկան հասակում ընտանիքով տեղափոխվել է Երևան, որտեղ ավարտել է թիվ 58 ռուսական դպրոցը, ապա` Երևանի պետական համալսարանի բանասիրական ֆակուլտետի ռուսաց լեզվի և գրականության բաժինը: 1975-82թթ աշխատել է «Լիտերատուրնայա Արմենյա» ամսագրում: 1982թ-ից անցել է երկամյա սցենարական և ռեժիսորական բարձրագուն դասընթացներ Մոսկվայի Պետկինոյում, որն ավարտելուց հետո վերադառձել է Երևան: 1990-92թթ խմբագրել է կանանց նվիրված ռուսալեզու «Առագաստ» թերթը: 1992թ. տեղափոխվել է Մոսկվա և ստեղծել «Կոմիլֆո» և «Առանձնատուն 16» ալմանախները: Եղել է «Роман-таблоид»-ի գլխավոր խմբագիրը, «Столичный север»-ի գլխավոր խմբագրի տեղակալը: 2000-ականներին դասավանդել է Մոսկվայի Հումանիտար համալսարանում: Սյունակագիր է եղել «Երեկոյան Մոսկվա», «Նոյան Տապան» թերթերում, տպագրվել է «Московская правда», «Ступени оракула» թերթերում, «Ровесник», «Плейбой», «Если», «Мир ТВ и кино» ամսագրերում: Ֆանտաստիկ պատմվածքների առաջին ժողովածուն` «Հորիզոնից այն կողմ» (1983թ.), լույս է տեսել հայերեն: Իսկ 1990թ. ռուսերեն հրատարակվել է նրա երկրորդն` «Самый красивый в мире динозавр» ժողովածուն: 1996թ. «Սագառուս» ծածկանունով Մոսկվայում լույս է տեսնել «Космический Декамерон» վեպը, որը էրոտիկ ֆանտաստիկայի ժանրի առաջին ստեղծագործություններից է: 2004թ. իսկական ազգանունով հրատարակել է հինգերորդ` «Համլետի հոր ստվերը» գիրքը, իսկ 2011թ. վեցերորդը` «Եդեմի հետքերով»: Հեղինակել է տասնյակ մուլտֆիլմեր, ինչպես նաև՝ կարճամետրաժ և վավերագրական ֆիլմեր:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար