Նիկիտա Կարա-Մուրզա

Մշակութային գործիչ, թարգմանիչ

Սարգիս Կասյան

Պետական գործիչ, հրապարակախոս

Վահան Գալֆայան

Բանաստեղծ, արձակագիր

Արուս Ազնավուրյան

Դերասանուհի

Արշավիր Դարբնի

Առակագիր, բանաստեղծ, դրամատուրգ

Վանիկ Սանթրյան

Արձակագիր, գեղանկարիչ

Ֆրունզե Ամիրխանյան

Հնչյունային օպերատոր, կինոռեժիսոր

Արմենուհի Սիսյան

Արձակագիր, բանաստեղծ

Ռուբեն Էլբակյան

Օպերային երգիչ

Արտյոմ Հակոբյան

Ռեժիսոր, պրոդյուսեր

Աննա Հարությունյան

Դերասանուհի

 

 

 

 

ԷԴՎԱՐԴ ՋՐԲԱՇՅԱՆ

Գրականագետ

24 սեպտեմբեր, 1923 - 10 օգոստոս, 1999

Ծնվել է Երևանում: 1941թ. ավարտել է Երևանի Շ.Ռուսթավելու անվան թիվ 23 միջնակարգ դպրոցը և մեկնել զինվորական ծառայության: Սովորել է Բաքվի հրամանատարական դպրոցում, ապա` Թիֆլիսի հրամանատարական կազմի կատարելագործման անդրկովկասյան դասընթացներում: 1943-44թթ լեյտենանտի կոչումով ծառայել է մի շարք զորամասերում որպես ականանետի ջոկի և մարտկոցի հրամանատար: Եղել է այն զորքերի մեջ, որոնք 1944թ. հոկտեմբերին առաջին անգամ անցան ԽՍՀՄ սահմանը: Ծանր վիրավորվել է, կորցրել ոտքը: Զորացրվելուց հետո սովորել և 1950թ. ավարտել է Երևանի պետական համալսարանի բանասիրության ֆակուլտետի հայոց լեզվի և գրականության բաժինը: 1954թ. պաշտպանել է թեկնածուական («Պոեմի ժանրը սովետահայ գրականության մեջ»), 1965թ.` դոկտորական ատենախոսություն («Թումանյանի պոեմները»): 1950-72թթ դասախոսել է ԵՊՀ հայ գրականության տեսության ամբիոնում (1967թ-ից՝ պրոֆեսոր): 1974թ. ընտրվել է ՀՀ ԳԱ թղթակից անդամ, 1982թ.` ակադեմիկոս: 1972-85թթ ղեկավարել է իր իսկ հիմնադրած գրականության տեսության և գեղագիտության ամբիոնում` 1982թ-ից` գրականության տեսության և արտասահմանյան գրականության ամբիոնը: 1966-70թթ աշխատել է նաև ՀՀ ԳԱ Մ.Աբեղյանի անվան գրականության ինստիտուտում` որպես գրականության տեսության բաժնի վարիչ, իսկ 1977-99թթ` նույն ինստիտուտի տնօրեն: 1953-54թթ եղել է «Գրական թերթի» գլխավոր խմբագրի տեղակալը: 1961-62թթ խմբագրել է «Սովետական գրականություն» ամսագիրը: 1967-77թթ եղել է «Բանբեր Երևանի համալսարանի» հանդեսի հիմնադիր խմբագիրը, 1956թ-ից` Հայաստանի գրողների միության անդամ: Հեղինակել է ավելի քան երկու տասնյակ մենագրություններ, հարյուրավոր հոդվածներ: Նախաձեռնել և խմբագրել է հայ դասականների երկերի հրատարակություններ: Առավել կարևոր աշխատություններից են` «Պոետիկայի հարցեր» (1976թ.), «Չորս գագաթ» (1982), «Թումանյանի պոեմները» (1964թ., 1986թ.), «Գեղագիտություն և գրականություն» (1986թ.) մենագրությունները, ինչպես նաև «Գրականության տեսություն» բուհական դասագիրքը, որն ունեցել է մի քանի հրատարակություն: Ռուսերեն լույս է տեսել նրա «Թումանյանի պոեզիան» (1969թ.), «Պոետիկան և գրականության զարգացումը» (1985թ.) գրքերը: Նրա խմբագրությամբ, առաջաբանով ու ծանոթագրություններով լույս է տեսել Վահան Տերյանի «Բանաստեղծություններ. լիակատար ժողովածու» գիրքը (1985թ.): Արժանացել է ՀՀ Պետական մրցանակների (1974թ., «Գրականության տեսություն» բուհական դասագրքի համար, հայերեն չորրորդ վերամշակված ու լրացված հրատարակություն, 1980թ., «Հայ նոր գրականության պատմություն» կոլեկտիվ աշխատանքի համար): Պարգևատրվել է Աշխատանքային կարմիր դրոշի, «Կարմիր աստղի» և Հայրենական մեծ պատերազմի 1-ին աստիճանի շքանշանով: 1970թ. արժանացել է Հայաստանի գիտության վաստակավոր գործչի կոչման, 1981թ.` ՀՀ ԳԱ Վաստակագրի: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար