ԱՐՓԻ ՈՍԿԱՆՅԱՆ

Ծնվել է 1978թ. փետրվարի 5-ին, ՀՀ Ստեփանավան քաղաքում: 1996թ. ընդունվել է Երևանի թատրոնի և կինոյի պետական ինստիտուտի ռեժիսորական ֆակուլտետ: 2005թ. ավարտել է Երևանի գեղարվեստի պետական ակադեմիայի արվեստաբանության բաժինը: 2001թ. տպագրվել է նրա առաջին` «Ծիկ» գիրքը, որում ամփոփված գործերը լայնածավալ քննարկումների ու քննադատության տեղիք են տվել գրական ու ոչ գրական մամուլում: Նույն թվականին դարձել է Հայաստանի գրողների միության անդամ: 2010թ. լույս է տեսել նրա երկրորդ` «Անտերուդուրս» գիրքը, իսկ 2011թ.` «Ռոնալդինյոն և Մարադոնան» ֆուտբոլային հեքիաթը: «ՍՄԻԼ» հիմնադրամի «1988» խորագրով պատմվածքների մրցույթում արժանացել է մրցանակի` «Իմ անկախությունը» պատմվածքի համար: 2011թ. Համբարձում Համբարձումյանի հետ ստեղծել է «Գրողուցավ» գրական բլոգը, 2012թ.` համանուն կայքը: «Անտարես» հրատարակչության և «Գրանիշ» գրական ակումբի կազմակերպած «Արձակ-2012» մրցույթում դարձել է հաղթող: