ԱԶԱՏ ՇԱՀԻՆՅԱՆ

10 նոյեմբեր, 1928 - 8 հունվար, 2002

Ծնվել է Բաքվում: 1944թ. ավարտել է Երևանի թատերական տեխնիկումը: Գրել է հիմնականում պատանիների համար: 1955թ. հրատարակվել է նրա «Ձմեռային գիշերվա երազը» պատմվածքների առաջին ժողովածուն, որին հաջորդել են «Մեր գիշերային արկածները» (1956թ.), «Թատրոնը սառույցի վրա» (1962թ.) և այլ ժողովածուներ, «Սուրի և Սամի արկածները» (1959թ.), «Անհայտ մարդիկ» (1962թ.) վիպակները, «Տղան և նրա բարի թզուկները» (1968թ.) վիպակների ու պատմվածքների ժողովածուն: Շահինյանի «Սուրի և Սամի արկածները» (1960թ.), «Փոքր բակի մեծ հոգսերը» (1963թ.), «Իմ սիրելի փոքրիկը» (1966թ.), «Տրամվայը պարկ է գնում» (1974թ.), «Արգելված երազներ» (1980թ.) դրամաները բեմադրվել են Երևանի, Մոսկվայի, Կիևի, Թբիլիսիի, Բաքվի, Վարշավայի, Բուդապեշտի թատրոններում։ Գրողի ստեղծագործության թեման իր ժամանակաշրջանի կյանքն է։ Նրա շատ գործեր թարգմանվել են նախկին ԽՍՀՄ ժողովուրդների մի քանի լեզուներով: 1981թ. տպագրվել է նրա «Տրամվայը պարկ է գնում» պիեսների գիրքը: Մահացել է Երևանում: