Ստեփանոս Ագոնց

Հայագետ, աշխարհագրագետ, եկեղեցական գործիչ

Նինա Ղորղանյան

Օպերային երգչուհի

Թադեոս Էֆենդի

Երգահան, ջութակահար, քանոնահար

Ֆրեյդուն Աղալյան

Ճարտարապետ

Օննիկ Ավետիսյան

Գեղանկարիչ, արվեստաբան

Գոհար Ֆերմանյան

Գեղանկարչուհի

Ալեքսանդրու Շահիկյան

Արձակագիր, բանաստեղծ, դրամատուրգ

Գուրգեն Գաբրիելյան

Դերասան, ռեժիսոր

Զարեհ Մուրադյան

Բալետի արտիստ, պարուսույց

Վարդուհի Խաչատրյան

Օպերային երգչուհի

Աննա Մնացականյան

Օպերային երգչուհի

 

 

 

 

ՎԱՀԱԳՆ ՄՈՒՂՆԵՑՅԱՆ

Բանաստեղծ, արձակագիր

Ծնվել է 1947թ. հուլիսի 10-ին, Կիրովականում (այժմ` Վանաձոր): Ավարտել է Երևանի պետական համալսարանի բանասիրական ֆակուլտետի ժուռնալիստիկայի բաժինը: Աշխատել է «Սովետական գրող» հրատարակչության ժամանակակից գեղարվեստական գրականության խմբագրությունում՝ որպես ավագ խմբագիր, ապա` Հայաստանի գրողների միության «Նորք» ամսագրում` որպես Ժամանակակից գեղարվեստական գրականության բաժնի վարիչ: 1988թ-ից Հայաստանի գրողների միության անդամ է, որտեղ 1993թ. եղել է վարչության քարտուղարը: Եղել է նաև «Ոսկան Երևանցի» հրատարակչության առաջին գլխավոր խմբագիրը, ինչպես նաև ՀՀ զինված ուժերի 3-րդ բանակային միավորման հրամանատարի տեղակալը: 2000-07թթ ծառայել է ՀՀ թիվ 23935 զորամասում` որպես հրամանատար (ՀՀ ՊՆ կենտրոնական Սպայի տան պետ): Մասնակցել է Արցախյան մարտական գործողություններին (փոխգնդապետ): 2001թ-ից «Հայրենիք և ծառայություն» ուսումնական ձեռնարկի խմբագիրն է: Ուսանողական տարիներից պարբերաբար հանդես է եկել հանրապետական գրական մամուլում իր պատմվածքներով, վիպակներով և բանաստեղծություններով: Առանձին վիպակներ և պատմվածքներ տպագրվել են ռուսերեն, ուկրաիներեն, սլովակերեն: Հրատարակվել են նրա «Ճանապարհ շրջանակի մեջ» (1984թ.), «Ալիզ» (վեպ, 1986թ.), «Եկվորներ» (վեպ, 1989թ.), «Տարիներ» (1992թ.), «Բազմաշավիղ» (բանաստեղծություններ, 2003թ.), «Տաբու» (վեպ, 2008թ.), «Զոհանվեր» (պոեմ, 2013թ.) գրքերը: 1986թ. արժանացել է ՀԳՄ Հովհաննես Շիրազի անվան արծաթե մեդալի: 1986թ. նրա «Ալիզ» և 1989թ. «Եկվորներ» վեպերն արժանացել են ՀԳՄ Դերենիկ Դեմիրճյանի անվան մրցանակների։ 1995թ. անտիպ գրքերի մրցանակաբաշխությունում գրողի «Հավերժախաչ գմբեթներ» վեպն արժանացել է Համազգային հայ կրթական և մշակութային միության 1-ին մրցանակին: 1997թ. արժանացել է ՀԳՄ Դանիել Վարուժանի անվան «Հայ գրականության ասպարեզում ծանրակշիռ ավանդի համար» մրցանակի, 2005թ.՝ «Վանաձորի պատվավոր քաղաքացի» կոչման, 2008թ.՝ ՀՀ մշակույթի նախարարության ոսկե մեդալի, 2010թ.՝ ՀՀ նախագահի մրցանակին («Տաբու» վեպի համար):

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար