ԱԶԱՏ ՊԵՏՐՈՍՅԱՆ

Ծնվել է 1991թ. նոյեմբերի 25-ին, ՀՀ Թալինի շրջանի Ն.Սասնաշեն գյուղում: 2008թ. ավարտել է Երևանի Հայրապետ Հայրապետյանի անվան թիվ 78 միջնակարգ դպրոցը: 2004-07թթ սովորել է Հայաստանի ճարտարապետների տան գեղարվեստի ստուդիայում` Յ.Խաչանյանի արվեստանոցում, 2008-12թթ` Երևանի գեղարվեստի պետական ակադեմիայի գեղանկարչության ֆակուլտետում: 2012թ-ից ուսումը շարունակել է մագիստրատուրայում: Մասնակցել է մի շարք անհատական և խմբային ցուցահանդեսների, այդ թվում` «Մանկության գույներ 1», «Մանկության գույներ 2» (2003-04թթ), «Երիտասարդական նվաճումներ» (2005-06թթ), Հայաստանի Ճարտարապետների տանը գործող գեղարվեստի ստուդիայի հոբելյանական 10-ամյակի ցուցահանդես (2006թ.), Մոսկվայի Սբ. Հարություն եկեղեցում (2007թ.), ՀՀ նկարիչների միությունում (2008-09թթ), ՀՀ-ում ՄԱԿ-ի գրասենյակում կայացած «Կանանց միջազգային օրվան», «Միջազգային խաղաղության օրվան», «Մարդու իրավունքների պաշտպանության օրվան», «Աղքատության վերացման միջազգային օրվան» նվիրված (2010թ.), ԵԳՊԱ-ի 65-ամյակին նվիրված (2011թ.), Սբ. Սարգսի տոնին նվիրված (2011-12թթ), Ալբերտ և Թով Բոյաջյան ցուցասրահ (գեղանկար 3-րդ, 2011թ.), Ճանապարհներ Ռուսաստան-Հայաստան (Մոսկվա, 2013թ.) և այլն: