ԱՆՏՈՆԻՆԱ ՄԱՀԱՐԻ

29 դեկտեմբեր, 1923 - 1 հոկտեմբեր, 2018

Անտոնինա Պավլիտայտե

Ծնվել է Լիտվայի մայրաքաղաք Վիլնյուսում: Եղել է արձակագիր Գուրգեն Մահարու կինը: Սովորել է Վիլնյուսի պետական համալսարանի իրավաբանական ֆակուլտետում: Եղել է Անկախ Լիտվայի համար պայքարող ընդհատակյա կազմակերպության անդամ, որի պատճառով անցել է ստալինյան բռնատիրության ճանապարհով` բանտ, աքսոր: Սիբիրում հանդիպել է Գուրգեն Մահարուն, ում հետ կապել է կյանքը: Ամուսնու ցանկությամբ գրել է նրա սիբիրյան ոդիսականի առաջին էջերը, որոնք տպագրվել են 1970թ., Բեյրութում` Անդրանիկ Ծառուկյանի «Նաիրի» հանդեսում: 1972թ-ից պատրաստ է եղել նրա «Իմ ոդիսականը» ստեղծագործությունը, սակայն լույս է տեսել միայն 2003թ.: Գրքից հատվածներ պարբերաբար տպագրվել են «Լիտերատուրնայա Արմենիա» ամսագրում: 1997թ-ից եղել է Հայաստանի գրողների միության անդամ: Հեղինակել է նաև «Ժողովրդի ծառան» (2004թ.), «Հիշողություններ և պատմվածքներ» (2011թ.) երկերը: Մահացել է Երևանում: