Եփրեմ Սեթյան

Բանասեր, պատմաբան

Տրդատ Պալյան

Բանասեր, մատենագետ, բանահավաք

Արշակ Բրուտյան

Երգահավաք, գեղանկարիչ

Վահան Մալեզյան

Արձակագիր, թարգմանիչ, բանաստեղծ

Կառլեն Անանյան

Ճարտարապետ

Ռոզա Պետրոսյան

Բանաստեղծ, արձակագիր

Սուրեն Թադևոսյան

Կինոօպերատոր

Մարինե Մինասյան

Հաղորդավար, դերասանուհի

 

 

 

 

ՍԵՄՅՈՆ ՀԱԽՈՒՄՅԱՆ

Գրականագետ

17 փետրվար, 1930 - 16 մայիս, 2016

Ծնվել է Երևանում: Եղել է գրող Տիգրան Հախումյանի որդին: 1952թ. ավարտել է Երևանի պետական համալսարանի բանասիրական ֆակուլտետի ռուսական բաժինը, այնուհետև՝ ասպիրանտուրան: 1965-72թթ և 1989թ-ից եղել է Երևանի պետական համալսարանի ռեկտորի տեղակալը, 1972-73թթ` Երևանի Վ.Բրյուսովի անվան օտար լեզուների պետական մանկավարժական ինստիտուտի ռեկտորը, 1973-88թթ` Հայաստանի լուսավորության, 1988-89թթ` ժողկրթության նախարարը, 1992-2000թթ` ԵՊՀ ուսումնական աշխատանքների գծով պրոռեկտորը, 2011թ-ից՝ ՀՀ կրթության և գիտության նախարարի խորհրդականը: Հեղինակել է բազմաթիվ գիտական աշխատություններ, ավելի քան 150 հոդվածներ: Աշխատությունները վերաբերում են հայ-ռուսական գրական կապերին, ռուս գրականության, լեզվի, գեղարվեստական թարգմանության, կրթության հարցերին («Մ.Գորկին և Հայաստանը», 1968թ., համահեղինակ): 1954թ. ստացել է բանասիրական գիտությունների թեկնածուի գիտական աստիճան (1991թ-ից` պրոֆեսոր): 1971թ-ից եղել է Հայաստանի գրողների միության անդամ: Հրատարակվել են նրա «Ռուս-հայերեն դարձվածաբանական բառարան» (1975թ.), «Ռուս գրականություն» (8-րդ և 9-րդ դասարանների համար, 1979թ., 1984թ.), «Штрихи к портрету» (1999թ.), «Думы о былом» (2002թ.) և այլ գրքերը: 1988թ. արժանացել է ՀՀ Պետական մրցանակի, 2000թ.՝ ՀՀ «Մովսես Խորենացի» մեդալի, 2011թ.՝ Հայաստանի վաստակավոր մանկավարժի կոչման: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար