ԶԱՎԵՆ ԿԱՍՅԱՆ

25 նոյեմբեր, 1931 - 30 հոկտեմբեր, 2013

Զավեն Գասպարյան

Ծնվել է ՀՀ Անիի շրջանի Հայկաձոր գյուղում (այժմ` ՀՀ Շիրակի մարզում): Ավարտել է Երևանի Խ.Աբովյանի անվան մանկավարժական ինստիտուտի լեզվագրական և Երևանի պետական համալսարանի բանասիրական ֆակուլտետների հեռակա բաժինը: Վաղ տարիքից աշխատել է մամուլում, մասնավորապես Հոկտեմբերյանի շրջանային թերթում, ՀՀ Ռադիոպետկոմում, «Սովետական Հայաստան» օրաթերթում: Վարել է մի շարք պատասխանատու պաշտոններ: 1966թ. ավարտել է Հայկական մանկավարժական ինստիտուտի բանասիրական ֆակուլտետի հեռակա դասընթացը: 1969թ. հրատարակել է նրա առաջին` «Ժամանակն իմ ձայնով» բանաստեղծությունների ժողովածուն: Այնուհետև տարբեր տարիներին լույս են տեսել նրա հաջորդ ժողովաժուները` «Գարնանային խոհեր» (1975թ.), «Կարոտի խարույկ» (1978թ.), «Օրը երգի մեջ» (1986թ.), «Հավատի կանթեղ» (1991թ.), «Հույսի ղողանջ» (2000թ.), «Տավիղ հայրենաշունչ» (2009թ.) և այլն: 2005-06թթ լույս է տեսել նրա ընտիր երկերի եռհատորյակը: Գրել է նաև մանուկների համար, այդ ստեղծագործությունները ամփոփելով «Աստղաշար» (1987թ.) և «Լուսնի թագը» (1987թ.) ժողովածուներում: Նրա բանաստեղծությունները տպագրվել են հայաստանյան գրական մամուլում, հնչել են ռադիոյով և հեռուստատեսությամբ, թարգմանվել են մի շարք օտար լեզուներով: 1989թ-ից եղել է Հայաստանի գրողների միության անդամ: Արժանացել է բազմաթիվ շքանշանների ու պարգևների: «Հավատի կանթեղ» ժողովածուն 1991թ. արժանացել է Հովհաննես Շիրազի անվան մրցանակի, իսկ 2006թ. նրա արժանացել է ՀԳՄ «Գրական վաստակի համար» մեդալի: Մահացել է Երևանում: