Վարդան Մախոխյան

Գեղանկարիչ

Հովհաննես Մսրյան

Պատմաբան, բանասեր

Նորա Ադամյան

Արձակագիր, թարգմանիչ

Լուսիկ Ագուլեցի

Գեղանկարչուհի, ազգագրագետ

Միքայել Պողոսյան

Դերասան, երգիչ

Ալբերտ Սարգսյան

Քանդակագործ

Գևորգ Մութաֆյան

Օպերային երգիչ

 

 

 

 

ՇՈՒՇԱՆԻԿ ԹԱՄՐԱԶՅԱՆ

Բանաստեղծ, թարգմանիչ

Ծնվել է 1978թ. ապրիլի 7-ին, Երևանում: Բանաստեղծ, թարգմանիչ Հրաչյա Թամրազյանի դուստրն է: Ավարտել է Երևանի թիվ 170 միջնակարգ դպրոցը: Առաջին բանաստեղծությունները, գրված 4-5 տարեկանում, լույս են տեսել «Ծիծեռնակ» ամսագրում: 1994թ. ընդունվել է Երևանի պետական համալսարանի ռոմանագերմանական ֆակուլտետի ֆրանսիական բաժին: 1997թ. մեկնել է Ֆրանսիա` կրթությունը շարունակելու: Այցելել է Ֆրանսիայի Մոնպելյե քաղաքի Պոլ Վալերիի անվան համալսարանի գրականության դասընթացներին: Նույն համալսարանում պաշտպանել է թեկնածուական և դոկտորական ատենախոսությունները` նվիրված ֆրանսիական ժամանակակից պոեզիայի մեծագույն հեղինակներից մեկի` Իվ Բոնֆուայի ստեղծագործությանը: 2000թ. նրա թարգմանությամբ լույս են տեսել Իվ Բոնֆուայի «Անկարելին» 2001թ.` «Արտ-Երկիր»-ն ու «Թափառող կյանք»-ը, 2007թ. «Հռոմ, 1630» արվեստաբանական մենագրությունը, 2012թ.` «Գեղեցկությունը առաջին օրից», «Հայելու մի բեկորի մեջ», «Երկու տեսարան և ծանոթագրություններ» երկերը: Կատարել է մի շարք այլ թարգմանություններ` Անրի Միշոյի «Պլյում» (2007թ.), Ժան էշնոզի «Ռավել» (2010թ.), Անդրե Ժիդի «Օսկար Ուայլդ» (1997թ.) և այլն: Հեղինակել է «Ոսկեվանդակ» (2001թ.), «Չկախարդվող» (2005թ.), «Կարծրերկիր» (2010թ.), «Ձկների լեզու» (2012թ.), «Լեննական» (2012թ.) ժողովածուները: 1997թ. արժանացել է Ֆրանսիայի ազգային ակադեմիայի (AMOPA) սահմանած ճարտասանության մրցույթի գլխավոր մրցանակին: 2005-08թթ աշխատել է «Ոսկե Ծիրան» կինոփառատոնում` որպես ֆրանսիական ծրագրերի պատասխանատու: Անմիջապես ֆրանսերեն լեզվով գրված ստեղծագործությունները լույս են տեսել Ֆրանսիայում` մի շարք բանաստեղծական ամսագրերում (ARPA, Europe, Encres vives): Հեղինակել է նաև գրականագիտական հոդվածներ` տպագրված ֆրանսիական պարբերականներում (Les cahiers de l’Herne; Le procès de l’histoire au XX siècle): 2001թ-ից Հայաստանի գրողների միության անդամ է: 2010-12թթ դասավանդել է Երևանի Վ.Բրյուսովի անվան լեզվաբանական համալսարանում` ֆրանսիական ժամանակակից գրականություն և ֆրանսերեն լեզու, իսկ 2013թ-ից դասավանդում է Երևանի պետական համալսարանում: 2012թ. արժանացել է «Օրանժ գրքի մրցանակ»-ի` «Մոգ արքաներ» բանաստեղծական շարքի համար:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար