ԼԻԼԻԹ ԱՐԶՈՒՄԱՆՅԱՆ

Գրականագետ, արձակագիր

Ծնվել է 1957թ. մարտի 5-ին, Երևանում: Գրականագետ, գրաքննադատ Սևակ Արզումանյանի դուստրն է, դիրիժոր Հարություն Արզումանյանի քույրը: Ավարտել է Երևանի պետական համալսարանի բանասիրական ֆակուլտետը: Աշխատել է ԵՊՀ հրատարակչությունում, Հայկական հանրագիտարանում` որպես գիտական խմբագիր: 1993թ-ից եղել է ՀՀ Բարձրագույն որակավորման հանձնաժողովի (ԲՈՀ) նախագահի տեղակալը, 2013-18թթ՝ նախագահը: Հիմնադրել է «Կանթեղ» գիտական հոդվածների պարբերական ժողովածուն, մինչև 2013թ. եղել է գլխավոր խմբագիրը, որից հետո հանձնել է ՀՀ ԳԱԱ արվեստի ինստիտուտին: Հեղինակել է ավելի քան 100 գրականագիտական, թատերագիտական և հրապարակախոսական հոդվածներ, պատմվածքներ: 2001թ. ստացել է բանասիրական գիտությունների դոկտորի գիտական աստիճան: Հայաստանի թատերական գործիչների, 2001թ-ից գրողների միությունների անդամ է: 2002թ-ից եղել է «Արմենակոբ» հեռուստատեսության «Մեր թատրոնը», 2007թ-ից` «Մշակույթ» հաղորդաշարերի հեղինակն ու վարողը: Հեղինակել է նաև երեք ոչ խաղարկային ֆիլմ` «Ճանապարհորդություն Արաքսից այն կողմ» (2005թ.), «Փարիզյան էսքիզ» (2007թ.), «Դեպի Կիլիկիա» (2008թ.), որոնք Արևմտյան Հայաստան, Կիլիկիա և Ֆրանսիա ճանապարհորդությունների արդյունք են: Լույս են տեսել նրա «Արևելքը հայ արձակում» (1998թ.), «Պարույր Սևակի պոեմները» (2001թ.), «Իմ աշունը» (2002թ.), «Բարև, փոքրիկ» (2006թ.), «Գրառումներ աբսուրդի երկրից» (2012թ.) գրքերը: 2018թ-ից Երևանի թատրոնի և կինոյի պետական ինստիտուտի ռեկտորի պաշտոնակատարն է: 2017թ. արժանացել է ՀՀ Երախտագիտության մեդալի:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար