Գրիգոր Խլաթեցի

Մատենագիր, բանաստեղծ, երաժիշտ

Հեղինե Ղորղանյան

Օպերային երգչուհի

Հարություն Քյուրդյան

Պատմաբան, բանասեր, արվեստաբան

Հակոբ Կարապենց

Արձակագիր

Զոյա Պետրոսյան

Ջութակահար

Վարդգես Պետրոսյան

Արձակագիր, դրամատուրգ

Գևորգ Սարգսյան

Դրամատուրգ, արձակագիր

Սուրեն Դանիելյան

Գրականագետ

Մարիա Գուլեգինա

Օպերային երգչուհի

Արայիկ Ալեքյան

Քանդակագործ

 

 

 

 

ԽԱՉԱՏՈՒՐ ԱՎԱԳՅԱՆ

Թատերագետ, դրամատուրգ

25 սեպտեմբեր, 1925 - 23 հունվար, 2012

Ծնվել է ՀՀ Քանաքեռ ավանում (այժմ` Երևանի մեջ)։ 1945-50թթ սովորել է Երևանի գեղարվեստաթատերական ինստիտուտի թատերագիտական ֆակուլտետում։ 1950թ. աշխատանքի է անցել Կոտայքի շրջսովետի գործկոմի կուլտլուս աշխատանքի բաժնում, սկզբում իբրև տեսուչ, 1951-53թթ` բաժնի վարիչ։ 1954-56թթ աշխատել է ՀԿԿ Կոտայքի շրջկոմի պրոպագանդայի և ագիտացիայի բաժնում` որպես հաստիքային պրոպագանդիստ։ 1957-89թթ աշխատել է «Սովետական արվեստ» հանդեսի խմբագրությունում, 1954թ-ից եղել է հանդեսի պատասխանատու քարտուղարը։ 1974թ. «Երևանի պատանի հանդիսատեսի թատրոնի պատմությունը» թեմայով դիսերտացիա է պաշտպանել և ստացել արվեստագիտության թեկնածուի գիտական աստիճան։ 1966-67թ., համատեղության կարգով, աշխատել է ՀՀ ԳԱ արվեստի ինստիտուտում` իբրև կրտսեր գիտաշխատող։ 1984թ-ից եղել է Հայաստանի գրողների միության անդամ։ Հայաստանի թատրոնները բեմադրել են նրա «Ակունք», «Երազն ի բարին կատարվի», «Ջոնին և ավազակները», «Ճռճռացող դռներ», «Ամենապիտանին», «Ուղղում» և այլ պիեսներ: Հրապարակվել են նրա «Թադևոս Սարյան» 1964թ., «Մհեր Մկրտչյան» 1970թ., «Երևանի պատանի հանդիսատեսի թատրոն» 1973թ., «Թատրոնը և ժամանակը» (հոդվածների ժողովածու, 1975թ.), «Կարպ Խաչվանքյան» 1979թ., «Գրիգոր Տեր-Գրիգորյան» 1983թ., «Ժամանակի հետ» (հոդվածների ժողովածու, 1985թ.), «Ճշմարտախոս աղվեսը» (հեքիաթ-պիես, 2008թ.) գրքերը: 1984թ. արժանացել է Հայաստանի արվեստի վաստակավոր գործչի կոչման: Մահացել է Երևանում: