Հակոբոս Պոզաճյան

Բառարանագիր

Ռոմանոս Սետեֆճյան

Դերասան, դրամատուրգ

Ստեփան Մամիկոնյան

Լրագրող, հրապարակախոս

Թլկատինցի

Արձակագիր, բանաստեղծ, դրամատուրգ

Մարո Զուրաբյան

Արձակագիր

Մանվել Բեգլարյան

Կոմպոզիտոր, դիրիժոր

Ռուբեն Գևորգյանց

Կինոռեժիսոր

Լիպարիտ Ավետիսյան

Օպերային երգիչ

 

 

 

 

ԱՐԱՄ ԳՐԻԳՈՐՅԱՆ

Գրականագետ

28 սեպտեմբեր, 1930 - 5 մարտ, 2022

Ծնվել է Թիֆլիսում: 1953թ. ավարտել է Երևանի պետական համալսարանի բանասիրական ֆակուլտետը: Աշխատել է «Կոմունիստ» թերթում: 1958թ-ից աշխատել է ՀՀ ԳԱԱ Մ.Աբեղյանի անվան գրականության ինստիտուտում, 1970թ-ից եղել է գրականության տեսության բաժնի վարիչը: 1967թ-ից եղել է Հայաստանի գրողների միության անդամ, 1979-88թթ՝ ՀԳՄ վարչության քարտուղարը: Նրա գրականագիտական հոդվածները տպագրվել են Հայաստանի և Ռուսաստանի գրական մամուլում: 1970թ. ստացել է բանասիրական գիտությունների դոկտորի գիտական աստիճան, 1996թ.՝ ակադեմիկոսի կոչում: 1985թ. «Գեղարվեստական ոճի պրոբլեմները», «Գեղարվեստական ոճ և պատկերների կառուցվածքը» և «Գրական-գեղարվեստական կառուցվածքի վերլուծությունը» աշխատությունների համար արժանացել է ՀՀ Պետական մրցանակի, 1987թ.` «Պատվո շքանշանի» (Մոսկվա), ապա` ՀՀ ԳԱԱ նախագահության պատվոգրի: 2000-04թթ եղել է ՀՀ ԳԱԱ նախագահության անդամ: Հրատարակվել են նրա «Եղիշե Չարենց» (1959թ.), «Եղիշե Չարենցի պոեզիան» (1961թ.), «Գեղարվեստական ոճի պրոբլեմները» (ռուսերեն, 1966թ.), «Գեղարվեստական ոճի և պատկերի կառուցվածքը» (ռուսերեն, 1974թ.), «Գրականությունը և տեսությունը» (ռուսերեն, 1976թ.), «Քննադատությունը և գրական պրոցեսը» (1979թ.), «Գրական երկի կառուցվածքի վերլուծությունը» (ռուսերեն, 1984թ.), «Ոճային որոնումները և գրական զարգացումը» (ռուսերեն, 1987թ.), «Գրական երկի ամբողջականությունը» (ռուսերեն, 2004թ.) աշխատությունները: 2003թ-ից դասավանդել է Հայ-ռուսական (Սլավոնական) համալսարանի ռուսաց լեզվի ու գրականության և մշակույթի ամբիոնում: Եղել է ԵՊՀ բանասիրական ֆակուլտետի գիտական խորհրդի, Հայաստանի թատերական գործիչների և կինեմատոգրաֆիստների միությունների անդամ: Պարգևատրվել է ՌԴ Ա.Պուշկինի անվան մեդալով: Մահացել է Երևանում: