ԳԱՐՈ ԹԱՎԻՋՅԱՆ

Թմբկահար, դաշնակահար

Ծնվել է 1982թ. հունիսի 24-ին, Մակեդոնիայի մայրաքաղաք Սկոպիեյում: Թմբկահար Գարաբեթ Թավիջյանի որդին է և դաշնակահար Դիրան Թավիջյանի եղբայրը, ում հետ հանդես է գալիս որպես «Թավիջյան եղբայրներ» դուետով: Վաղ հասակից սկսել է տիրապետել հարվածային գործիքների և նվագել է դաշնամուր: Հայտնի է նաև վիրտուոզ և սեփական իմպրովիզ կատարումներով, հատկապես մակեդոնական ժողովրդական երաժշտության ասպարեզում: Սովորել է Սկոպիեյի երաժշտական դպրոցում` որպես թմբկահար և դաշնակահար: Բազմաթիվ ելույթներով հանդես է եկել Սկոպիեյի երաժշտական ակադեմիայի, նվագախմբի, ջազ անսամբլի և մի շարք փոփ խմբերի հետ: Ուսման տարիներին մասնակցել է մի շարք մրցույթների, փառատոների, հանդես եկել մենահամերգներով և արժանացել մի շարք մրցանակների, այդ թվում` Մակեդոնիայի մշակույթի նախարարության «Անկախ արտիստ» կոչման (2002թ.): Դպրոցն ավարտելուց հետո, դարձել է Բոստոնի Բերքլիի երաժշտական բարձրագույն դպրոցի կրթաթոշակառու: Ելույթ է ունեցել մի շարք հանրաճանաչ երաժիշտների հետ, ինչպիսիք են` Ջո Զավինուլը, Չիկ Կորեան, Բրենֆորդ Մարսալիսը, Անդրեա Պալազզոն, Ջեյմս Իսթը, Ռոզան Վիտրոն, Մորիս Փլեժրը (Earth, Wind & Fire), Վլադկո Ստեֆանովսկին, Լարի Մոնրոն, Ռոն Սևեջը և այլք: 1997թ-ից ձայնագրել է 2 սկավառակ` «A bre Makedonche» և «Paramecium Live», ունեցել է ավելի քան 400 համերգային ելույթ: Մասնակցել է բազմաթիվ միջազգային համերգների ԱՄՆ-ում, Անգլիայում, Խորվաթիայում, Սերբիայում, Սլովենիայում, Հունաստանում, Բուլղարիայում, Ալբանիայում, Գերմանիայում և այլուր: Որպես երգահան հայտնի է նաև էլեկտրո երաժշտության ոլորտում, որի շրջանակներում ձայնագրել է անհատական ձայնասկավառակ` «Urban Groove», իսկ «Թավիջյան եղբայրներ»-ով (եղբոր` Դիրանի հետ համատեղ) ձայնագրել է «Tavitjan Brothers Trio» սկավառակը, որը Մեծ Բրիտանիայի «Սոնի» միջազգային երաժշտական մրցույթի ժամանակ արժանացել է 1-ին մրցանակին: Գրել է նաև երաժշտություններ մի շարք ֆիլմերի և թատերական ներկայացումների համար, որոնցից է «Ալեքսանդր Մակեդոնացի» ներկայացումը: 2012թ., եղբոր հետ միասին, արժանացել են «Մակեդոնիայի երաժշտության դեսպաններ» կոչման: 2013թ. առաջին անգամ այցելել է Երևան, որտեղ համերգով հանդես է եկել եղբոր հետ` հայկական ջազի 75-ամյակի համերգի ժամանակ:
 

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար