ԱՐԹՈՒՐ ՄԱՆՈՒԿՅԱՆ

Ռեժիսոր

Ծնվել է 1985թ. հուլիսի 4-ին, ՀՀ Էջմիածին քաղաքում: 2002թ. ավարտել է միջնակարգ դպրոցը, որին զուգահեռ հաճախել է Երևանի պարարվեստի ուսումնարան: 2002-08թթ սովորել է Երևանի թատրոնի և կինոյի պետական ինստիտուտի կինոռեժիսուրայի ֆակուլտետում` Ռուբեն Գևորգյանցի արվեստանոցում: 2008թ-ից աշխատել է Հայաստանի հանրային ռադիոյի «Արևիկ» մանկապատանեկան համույթում` որպես հաղորդավար, 2010-11թթ` Հայաստանի հանրային հեռուստաընկերությունում` որպես «Ականատես» հեռուստանախագծի ռեժիսոր, 2010թ-ից` «ATV», «Արմնյուզ» հեռուստաընկերություններում` որպես ռեժիսոր: Եղել է մի շարք հեռուստանախագծերի և մասսայական միջոցառումների ռեժիսոր` «Եվրատեսիլ» երգի միջազգային մրցույթի հայաստանյան փուլ, ամանորյա ծրագրեր, «Փոփ հանրագիտարան», «Կոսմիկ շոու» և այլն: Նկարահանել է շուրջ 40 տեսահոլովակ: Համագործակցել է հայ երգարվեստի մի շարք ներկայացուցիչների հետ` Արամե, Անդրե, Ռազմիկ Ամյան, Էմմի, Սիլվա Հակոբյան, Հասմիկ Կարապետյան, Էրիկ Կարապետյան և այլն: 2006թ. արժանացել է «Ես եմ» կինոփառատոնի հատուկ մրցանակին: 2013թ-ից աշխատել է «Արմենիա» հեռուստաընկերությունում` որպես «Նանե» հաղորդաշարի ռեժիսոր: ԱՄՆ-ում կայացած «World Armenian Entertaiment Awards» մրցանակաբաշխության շրջանակներում արժանացել է «Տարվա լավագույն ռեժիսոր» մրցանակին: 2014թ-ից աշխատում է Հայաստանի հանրային հեռուստաընկերությունում` որպես ռեժիսոր:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար