Նահապետ Ռուսինյան

Գրող, փիլիսոփա, մանկավարժ

Էմանուել Եսայան

Դրամատուրգ, բանաստեղծ

Ռուբեն Բեդրոսով

Գրաֆիկ, գեղանկարիչ

Արամ Սամուելյան

Օպերային երգիչ

Արմեն Գրիգորյանց

Բեմանկարիչ

Գրիգոր Բադալյան

Քանդակագործ

Արամ Գրիգորյան

Գրականագետ

Շահեն Խաչատրյան

Արվեստաբան

Երվանդ Բիչախչյան

Գեղանկարիչ

Ռաֆայել Ավնիկյան

Բալետի արտիստ, պարուսույց

Արամ Նիկոլյան

Դիզայներ

Հովհաննես Ազոյան

Դերասան, հաղորդավար

 

 

 

 

ՀԱՄԱՍՏԵՂ

Արձակագիր

26 նոյեմբեր, 1895 - 26 նոյեմբեր, 1966

Համբարձում Կելենյան

Ծնվել է Արևմտյան Հայաստանի Խարբերդի գավառի Փերչենճ գյուղում: Իր գրական ծածկանունը հորինել է՝ վերցնելով իր և հարազատ եղբայրների (Աստուր, Եղիա) անունների առաջին վանկերը։ Նախնական կրթությունն ստացել է ծննդավայրի դպրոցում, ապա ուսանել Մեզիրե քաղաքի Կեդրոնական վարժարանում: 1911թ. ավարտել է վարժարանը և դասավանդել գյուղի դպրոցում։ Առաջին բանաստեղծությունները տպագրվել են «Փյունիկ» հանդեսում: Եղել է ՀՅԴ կուսակցության անդամ: 1913թ. տեղափոխվել է ԱՄՆ և սովորել Կոլումբիայի և Հարվարդի համալսարաններում: Երբեք չի մոռացել հայրենի գյուղի հիշատակները, որոնք հետագայում կենդանություն են ստացել նրա երկերում: Հայտնի են նրա «Գյուղը» (1924թ.) և «Անձրևը» (1929թ.) պատմվածքների ժողովածուները, որոնք վարպետորեն պատկերում են հայ գյուղը: 1950-60-ական թթ լույս են տեսել նրա «Սպիտակ ձիավորը» (հ.1-2, 1952թ.) վեպը, «Քաջ Նազար» խորագրով երգիծական ու հումորիկ կարճ պատմվածքները (1955թ.), «Աղոթարան» (1957թ.), «Այծետոմար և ուրիշ բանաստեղծություններ» (1960թ.), «Պատմվածքներ և հեքիաթներ» (1963թ.), «Առաջին սերը» (1966թ.) ժողովածուները: Ունեցել է հոռետեսական և միստիկ տրամադրություններ: Նրա ստեղծագործությունների հերոսը ազգային մեծ երազանքով ապրող հայ մարդն է, որի համար սուրբ են հողը, աշխատանքի ու արարման՝ պապերից ժառանգած օրենքները: Գրողը նախ և առաջ պատմում էր իր տեսածն ու ապրածը և ապրեցնում ընթերցողին իր հերոսներով, որոնք ազնիվ ու շիտակ, աշխատասեր ու բարի հայ մարդիկ են, բայց գտնվում են խավարի ու բռնակալության տակ: 1966թ. Նյու Յորքում իր ծննդյան տարեդարձին նվիրված հանդիսավոր երեկոյի ժամանակ հանկարծամահ է եղել հենց ամբիոնի մոտ, թաղված է Բոստոնում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար