Գրիգոր Օշականցի

Բանաստեղծ, հնագետ, եկեղեցական գործիչ

Փիլիպոս Վարդազարյան

Հրատարակիչ, մշակութային գործիչ

Նիկիտա Բալիև

Դերասան, բեմադրիչ, թատերական գործիչ

Հակոբ Մնձուրի

Արձակագիր

Զարեհ Խրախունի

Բանաստեղծ

Ալինա Փահլևանյան

Երաժշտագետ

Հակոբ Չոլաքյան

Ազգագրագետ, բանաստեղծ, գրականագետ, լեզվաբան

Գագիկ Գյուրջյան

Ճարտարապետ

Արմեն Ադամյան

Կիթառահար, երգիչ

Գագիկ Սիրավյան

Գեղանկարիչ

 

 

 

 

ՍԱՐԳԻՍ ԱՐՈՒՏՉՅԱՆ

Բեմանկարիչ

25 սեպտեմբեր, 1920 - 21 մայիս, 2000

Ծնվել է Նոր Նախիջևանում (այժմ` ՌԴ Դոնի Ռոստով): 1941թ. ավարտել է Երևանի Փ.Թերլեմեզյանի անվան գեղարվեստի ուսումնարանը, 1950թ.` Երևանի գեղարվեստաթատերական ինստիտուտը: 1951թ. եղել է Երևանի Պատանի հանդիսատեսի, 1951-70թթ և 1985թ-ից` Գ.Սունդուկյանի անվան ազգային ակադեմիական, 1970-85թթ` Երևանի Ա.Սպենդիարյանի անվան օպերայի և բալետի ազգային ակադեմիական թատրոնների գլխավոր նկարիչը, իսկ ստեղծագործական վերջին տարիները կապված էին Երևանի Հ.Պարոնյանի անվան երաժշտական կոմեդիայի պետական թատրոնի հետ, որտեղ էլ ձևավորել է շուրջ 20 ներկայացում` «Մեծապատիվ մուրացկաններ», «Ատամնաբույժն արևելյան», «Ուշ լինի, նուշ լինի», «Պըլը-Պուղի», «Եզոպոս», «Տարօրինակ միսիս Սևիչ», «Աստղերց իջած մարդ», «Խաղ սիրո և պատահականության», «Ցիլինդր», «Խանումի արարքները», «Գնա մեռի, արի սիրեմ» և այլն: Հեղինակել է նաև դրամատիկական ներկայացումների ձևավորումներ` Ա.Միլլերի «Սալեմի վհուկները» (1965թ.), Դոստոևսկու «Ապուշը» (1968թ.), Վ.Շեքսպիրի «Օթելլո» (1969թ., երեքն էլ` Երևանի Գ.Սունդուկյանի անվան ազգային ակադեմիական թատրոն), Ա.Անկիլովի «Զինվորի այրին» (1974թ., ՀՀ Պետական մրցանակ` 1975), օպերային ներկայացումների ձևավորումներ` Ռոսսինիի «Սևիլյան սափրիչը» (1974թ.), Պուչինիի «Բոհեմա» (1986թ.) և այլն: Ներկայացումներ է ձևավորել նաև Թբիլիսիի, Լենինգրադի, Դյոր Շոպրոնի (Հունգարիա) և այլ թատրոններում: 1946թ-ից մասնակցել է բազմաթիվ ցուցահանդեսների, 1967թ.` Սան Պաուլոյի համաշխարհային ցուցահանդեսին: 1974թ. անհատական ցուցահանդես է ունեցել Երևանում: Եղել է Հայաստանի նկարիչների, կինոգործիչների և թատերական գործիչների միությունների անդամ: 1967թ. արժանացել է Հայաստանի արվեստի վաստակավոր գործչի, 1984թ.` ժողովրդական նկարչի կոչումներին: Մահացել է ԱՄՆ Լոս Անջելես քաղաքում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար