Զաքարիա Շեհրիմանյան

Գրող, փիլիսոփա, թարգմանիչ

Սոնգոտ Քրիշտոֆ

Հայագետ, պատմաբան, ազգագրագետ, թարգմանիչ

Նադեժդա Պապայան

Օպերային երգչուհի

Օլգա Քալանթարովա

Դաշնակահար

Մարիետա Շահինյան

Գրող, հրապարակախոս, թարգմանիչ

Սեդրակ Բարխուդարյան

Հնագետ, պատմաբան

Լուսիա Աբրահամյան

Դերասանուհի

Մհեր Խաչատրյան

Հաղորդավար, դերասան

 

 

 

 

ԷՄԻՆ ԱՐԻՍՏԱԿԵՍՅԱՆ

Կոմպոզիտոր

19 նոյեմբեր, 1936 - 19 ապրիլ, 1996

Ծնվել է Երևանում: 1961թ. ավարտել է Երևանի Կոմիտասի անվան պետական կոնսերվատորիան` Գրիգոր Եղիազարյանի դասարանը, 1964թ.` ասպիրանտուրան: 1957-64թթ դասավանդել է Երևանի Ա.Գաբրիելյանի անվան երաժշտական դպրոցում: 1957թ-ից դասավանդել է նաև Երևանի Խ.Աբովյանի անվան պետական մանկավարժական ինստիտուտում: 1973-86թթ եղել է Հայաստանի, 1974թ-ից` ԽՍՀՄ կոմպոզիտորների միության քարտուղարը: Հեղինակել է 5 սիմֆոնիա, 3 սիմֆոնիետա, այլ սիմֆոնիկ ստեղծագործություններ, պոեմներ, կանտատներ, կամերային և երգչախմբի համար ստեղծագործություններ՝ Սիմֆոնիա (1962թ.), «Հայաստան» պոեմը երգչախմբի համար (1963թ.), «Պրոմեթևս» բալետը (1967թ., լիբրետո՝ Ե.Չանգայի, ՀԼԿԵՄ մրցանակ՝ 1968թ.), «Սահակ Պարթևի հինգ շարականները» (1971թ., մշակում ձայնի և դաշնամուրի համար), մի շարք երգեր, կինոերաժշտություն («Լալվարի որսկանը», 1966թ.), մանկական, կամերային երաժշտություն և այլ երկեր: «Պրոմեթևս» բալետը Երևանից և ԽՍՀՄ այլ քաղաքներից բացի բեմադրվել (1968թ.) և նկարահանվել է (1969թ.) Լեհաստանում: 1977թ. արժանացել է Հայաստանի արվեստի վաստակավոր գործչի կոչման, 1986թ.` «Պատվո նշան» շքանշանի: Մահացել է Երևանում:
 

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար