Սահակ Պրոնյան
Մանկավարժ, եկեղեցական գործիչ
Գևորգ Մեսյան
Արձակագիր, բանաստեղծ, թարգմանիչ
Արամ Ալբան
Լուսանկարիչ
Ղևոնդ Տայան
Երաժշտագետ
Կարեն Քալանթար
Կինոգետ, լրագրող
Սուրեն Նազարյան
Քանդակագործ
Մարատ Վարժապետյան
Կինոռեժիսոր
Նորայր Ադալյան
Արձակագիր, դրամատուրգ
Դավիթ Խանջյան
Դիրիժոր, կոմպոզիտոր
Վարուժան Եփրեմյան
Գեղանկարիչ
Սամվել Կարապետյան
Հուշարձանագետ, պատմաբան, բանահավաք
Ալեք Քեշիշյան
Կինոռեժիսոր, պրոդյուսեր
Արթուր Մանուկյան
Դերասան, երգիչ
Նորա Գրիգորյան
Դերասանուհի, բեմադրիչ
ԳԱԳԻԿ ՀՈՎՈՒՆՑ
Կոմպոզիտոր
1 մարտ, 1930 - 1 սեպտեմբեր, 2019
Ծնվել է Երևանում: 1939թ. ուսանել է Երևանի Ա.Սպենդիարյանի անվան երաժշտական դպրոցի Վ.Ախշարումյանի ջութակի դասարանում, 1946թ.՝ Երևանի Պ.Չայկովսկու անվան երաժշտական դպրոցի Կ.Դումբաևի դասարանում: 1954թ. ավարտել է Երևանի Կոմիտասի անվան պետական կոնսերվատորիայի ջութակի (Կարպ Դոմբաևի դասարան), 1957թ.` կոմպոզիցիայի (Գրիգոր Եղիազարյանի դասարան) բաժինները: 1964թ-ից կոնսերվատորիայում դասավանդել է հարմոնիա (1990թ-ից` պրոֆեսոր): Գրել է սիմֆոնիկ և կամերային երկեր, գործիքային ստեղծագործություններ՝ դաշնամուրի և նվագախմբի, ջութակի և նվագախմբի կոնցերտներ, դաշնամուրի և նվագախմբի, թավջութակի և նվագախմբի կոնցերտային ինվենցիաներ, ինվենցիաների 3 շարք նվագախմբի համար, գործիքային սոնատներ, պիեսներ և այլն: 1957թ-ից եղել է Հայաստանի կոմպոզիտորների միության անդամ: 1978-85թթ Մոսկվայում թողարկվել է նրա ստեղծագործությունների 4 ձայնապնակ, 2008թ. և 2013թ. Փարիզում՝ 2 ձայնասկավառակ: 1962թ. «Լարային քառյակի» (1960թ.) համար Մոսկվայում պարգևատրվել է 1-ին կարգի դիպլոմով: 1984թ. արժանացել է Հայաստանի արվեստի վաստակավոր գործչի կոչման, 2013թ.՝ ՀՀ «Հայրենիքին մատուցած ծառայությունների համար» 1-ին աստիճանի մեդալի: Մահացել է Երևանում:
