Գաբրիել Նահապետյան

Բանասեր, հայագետ

Պողոս Զուրաբյան

Ճարտարապետ, ճարտարագետ

Մարիա Բերոյան

Դերասանուհի

Սոս Սոսյան

Դերասան

Ռուբեն Սանոյան

Դրամատուրգ, գրաքննադատ

Նոնա Գաբրիելյան

Գեղանկարչուհի, խեցեգործ

Տիգրան Արզումանյան

Քանդակագործ

Գրիգոր Գրիգորյան

Բալետի արտիստ

 

 

 

 

ՍՈՆԱ ԱՐՇԱԿՅԱՆ

Դաշնակահար

Ծնվել է 1986թ. դեկտեմբերի 2-ին, Երևանում: 7 տարեկան հասակում ընդունվել է Երևանի Ռ.Անդրիասյանի անվան երաժշտական դպրոց, որտեղ Գայանե Սահակյանի ղեկավարությամբ ուսանել է դաշնամուր: 1997թ. շարունակել է ուսումը Երևանի Պ.Չայկովսկու անվան մասնագիտացված տանսամյա երաժշտական դպրոցում` Անահիտ Շահբազյանի դասարանում: 11 տարեկանում հանդես է եկել առաջին մենահամերգով: 2000թ. տեղափոխվել է Մոսկվա, որտեղ 4 տարի սովորել է Պ.Չայկովսկու անվան կենտրոնական երաժշտական դպրոցում` Վալերի Պյասեցկիի դասարանում: 2004-09թթ սովորել է Մոսկվայի Պ.Չայկովսկու անվան պետական կոնսերվատորիայում` պրոֆեսոր Յուրի Հայրապետյանի դասարանում, որից հետո ուսումը շարունակել է ասպիրանտուրայում: 2008թ. մենահամերգով հանդես է եկել Երևանի Կոմիտասի անվան կամերային երաժշտության տանը: Հաճախ ելույթ է ունեցել Մոսկվայի կոնսերվատորիայի Փոքր և Ռախմանինովի անվան համերգասրահներում: Նվագել է Մոսկվայի կոմպոզիտորների տանը, Ռուբինշտեյնի անվան թանգարանում և Ռուսական Սպիտակ տանը կայացած համերգներում: 2006թ. հյուրախաղերով հանդես է եկել Իտալիայում, որտեղ ձայնագրել է ձայնասկավառակ, որը ներառում է Ֆ.Շոպենի, Ֆ.Լիստի և Կ.Շիմանովսկու ստեղծագործությունները: 2008թ. մասնակցել է Չիկագոյի Դ´Փոլ համալսարանի պրոֆեսոր Դմիտրի Փափեռնոյի վարպետության դասերին: Մասնակցել է «Մոսկվայում Ֆելիքս Մենդելսոնի օրեր» փառատոնին: 2010թ. հրավիրվել է Խարկով` «Սլոբոժանսկի» Խարկովի ակադեմիկական երիտասարդական սիմֆոնիկ նվագախմբի հետ նվագելու Սեն Սանսի դաշնամուրի թիվ 2 կոնցերտը: 2011թ. Երևանի Ա.Խաչատրյան համերգասրահում ելույթ է ունեցել Իրինա Տիգրանովա-Տերտերյանի հիշատակին նվիրված համերգին` Հայաստանի պետական երիտասարդական նվագախմբի հետ` կատարելով Բեթհովենի 4-րդ դաշնամուրային կոնցերտը: Նույն թվականին ՀՀ անկախության 20-ամյա հոբելյանի կապակցությամբ արժանացել է ՀՀ մշակույթի նախարարության պատվոգրի: Դարձել է դաշնամուրի մի շարք միջազգային մրցույթների դափնեկիր, որոնցից են` Citta di Sulmona (Սուլմոնա, Իտալիա, 2006թ., 3-րդ մրցանակ), Rovere d’ Oro (Սան Բարտոլոմեո, Իտալիա, 2007թ., 3-րդ մրցանակ և հատուկ մրցանակ Դոմենիկո Սկառլատտիի սոնատի լավագույն կատարման համար) և Ա.Խաչատրյանի անվան միջազգային 7-րդ մրցույթ (Երևան, 2011թ., 3-րդ մրցանակ) և այլն: 2012թ. արժանացել է ՀՀ մշակույթի նախարարության պատվոգրի, 2015թ.` «Колокол культуры» միջազգային երաժշտական մրցույթի Գրան Պրիի և Ռուսաստանի Հայերի միության մրցանակին: