ՄԵՐԻ ՄՈՎՍԻՍՅԱՆ

Օպերային երգչուհի

Ծնվել է 1988թ. հունիսի 24-ին, Երևանում: 2005թ. ավարտել է Երևանի Ղ.Աղայանի անվան թիվ 63 միջնակարգ դպրոցը, 2003թ.` Սայաթ-Նովայի անվան երաժշտական դպրոցի դաշնամուրի դասարանը: 2005-10թթ վոկալ մասնագիտությամբ սովորել է Երևանի Կոմիտասի անվան պետական կոնսերվատորիայում` Աննա Սարաջևայի դասարանում: 2011թ. ավարտել է նաև կոնսերվատորիայի մագիստրատուրան` գրելով ավարտական աշխատանք` վերնագրված «Կոմիտասի կյանքն ու ստեղծագործական գործունեությունը»: 2010թ. Ռումինիայում Դարքլեի անվան մեներգիչների միջազգային մրցույթում դարձել է ոսկե մեդալակիր և ստացել հատուկ մրցանակ: 2010թ. Բելոռուսում ստացել է դիպլոմ` մասնակցելով Յուրի Բաշմետի գլխավորած ԱՊՀ երկրների երիտասարդական երաժշտական ակադեմիային (պրոֆեսոր Դ.Վդովինի դասարան): 2011թ. մասնակցել է պրոֆեսոր Սվետլանա Նեստերենկոյի վարպետության դասերին և ստացել դիպլոմ: 2009-10թթ ելույթներ է ունեցել Հայաստանի պետական երիտասարդական նվագախմբի հետ` դիրիժոր Սերգեյ Սմբատյանի ղեկավարությամբ: 2010թ. Ռուսաստանում մասնակցել է «Восходящие звезды в Кремле» փառատոնին` ելույթ ունենալով Վ.Սպիվակովի ղեկավարած «Մոսկվայի վիրտուոզներ» նվագախմբի հետ և արժանացել ՌԴ առաջին տիկին Ս.Մեդվեդևայի Շնորհակալագրին: 2011թ. Ռուսաստանում մասնակցել է «Москва встречает друзей» փառատոնին և Վ.Սպիվակովի միջազգային բարեգործական ֆոնդի կողմից ստացել վկայական: 2011թ. ավարտել է Մոսկվայի կոնսերվատորիայի «Միջազգային ամառային դպրոցը» և ստացել սերտիֆիկատ (պրոֆեսոր Պ.Գլուբոկիի դասարան): Նույն թվականին դարձել է Տ.Սազանդարյանի անվան դասական երգեցողության մրցույթի դափնեկիր և արժանացել 1-ին մրցանակին, մասնակցել Գլինկայի անվան վոկալ միջազգային մրցույթին և պարգևատրվել պատվոգրով, իսկ Լոնդոնում մասնակցել է St. John Smith համերգասրահում կայացած «Հայաստանի երիտասարդ տաղանդներ» համերգային երեկոյին:
 

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար