ՀՄԱՅԱԿ ՀԱԿՈԲՅԱՆ

Ծնվել է 1956թ. դեկտեմբերի 1-ին, Մոսկվայում: Կրկեսի ատիստ, աճպարար Հարություն Հակոբյանի որդին է: 6 տարեկան հասակից սովորել է գեղարվեստական դպրոցում: Հետագայում ուսումը շարունակել է Մոսկվայի էստրադային կրկեսի ուսումնարանում, որն էլ չավարտած, ընդունվել է Մոսկվայի Թատերական արվեստի պետական ինստիտուտ: 1980-ականներին հեռուստատեսությամբ վարել է «Առավոտյան փոստարկղ», 1996-2001թթ` «Բարի գիշեր երեխաներ» հաղորդաշարերը: Նկարահանվել է բազմաթիվ ֆիլմերում` սկզբից որպես աճպարար, ապա` դերասան: Ֆիլմերից են` «Մեծ ատրակցիոն» (1974թ.), «Հմայիչ տղամարդը» (1978թ.), «Էլեկտրոնիկայի արկածները» (1979թ.), «Թեհրան 43» (1980թ.), «Խեղճ Մաշան» (1981թ.), «Բուդուլայի վերադարձը» (1985թ.), «Օրենքով գողերը» (1988թ.), «Բնավորությամբ անհամապատասխան» (1989թ.), «Կատաղած ավտոբուս» (1990թ.), «Վարպետը և Մարգարիտան» (1994թ.), «Գողը» (1994թ.), «Գորինիչը և Վիկտորիան» (2005թ.), «Երջանիկ իրար հետ» (2008թ.) և այլն: 1977թ. արժանացել է Ռուսաստանի վաստակավոր արտիստի կոչման: Աճպարարների միջազգային միության անդամ է: