ԽԱՉԱՏՈՒՐ ԵՍԱՅԱՆ

Գեղանկարիչ

11 սեպտեմբեր, 1909 - 24 ապրիլ, 1977

Ծնվել է Արևմտյան Հայաստանի Կարս քաղաքում: Եղել է դերասանուհի Ռուզան Վարդանյանի ամուսինը: Սովորել է Լենինականի (այժմ` Գյումրի) գեղարվեստի ստուդիայում: 1931թ. ավարտել է Երևանի գեղարվեստաարդյունաբերական տեխնիկումը (այժմ` Փ.Թերլեմեզյանի անվան գեղարվեստի ուսումնարան), 1938թ.` Մոսկվայի էներգետիկայի ինստիտուտը: 1940թ. առաջին անգամ մասնակցել է Երևանում կայացած ցուցահանդեսին և սկսել զբաղվել գեղանկարչությամբ: Գործերի մեծ մասը նվիրված են հայկական լեռնաշխարհին` «Սևան», «Արագած», «Արարատ» և այլն: 1940-48թթ եղել է Երևանում պետական ադրբեջանական թատրոնի, 1968-70թթ` Ա.Սպենդիարյանի անվան օպերայի և բալետի թատրոնի գլխավոր նկարիչը: 1941-49թթ դասավանդել է Երևանի գեղարվեստաթատերական ինստիտուտում: 1950-ականների վերջերին եղել է Ռումինիայում, Ֆրանսիայում, Իտալիայում, Հունաստանում, Թուրքիայում, Անգլիայում, որից հետո ծնվել են բազմաթիվ քաղաքներ պատկերող նկարներ` «Սենյորի հրապարակ` Ֆլորենցիա», «Բուքինգեմյան պալատ` Լոնդոն», «Հանրապետության հրապարակ` Բուխարեստ», «Լուվրի պալատ` Փարիզ» և այլն: Եղել է նաև Լենինականի հայկական թատրոնի և «Հայֆիլմ» կինոստուդիայի դեկորացիայի նկարիչը: Թատերական ձևավորումներից են` Լ.դե Վեգայի «Այլոց համար հիմար, իրեն համար խելոք» 1943թ., Ա.Տիգրանյանի «Դավիթ Բեկ» 1956թ., 1974թ., Ի.Ստրավինսկու «էդիպ արքա» 1963թ., Ա.Սպենդիարյանի «Ալմաստ» 1969թ. և այլն: 1956թ. արժանացել է Հայաստանի արվեստի վաստակավոր գործչի, 1965թ.` վաստակավոր նկարչի կոչումներին: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար