ՀԱԿՈԲ ԱԶԻԶՅԱՆ

Ծնվել է 1938թ. ապրիլի 19-ին, ՀՀ Գեղարքունիքի մարզի Գեղահովիտ գյուղում: 1964թ. ավարտել է Երևանի գեղարվեստաթատերական ինստիտուտը: 1964թ-ից աշխատում է Վանաձորի Հ.Աբելյանի անվան դրամատիկական թատրոնում` որպես դերասան, որտեղ 1995-2000թթ եղել է տնօրենն ու գեղարվեստական ղեկավարը, 2001-02թթ` գլխավոր ռեժիսորը: 1973թ-ից դասավանդում է Վանաձորի պետական մանկավարժական ինստիտուտում, 2003թ-ից` Երևանի թատրոնի և կինոյի պետական ինստիտուտի Վանաձորի մասնաճյուղում (2004թ-ից` պրոֆեսոր): Խաղացած ներկայացումներից են` Գ.Սունդուկյանի «Պեպո» (Պեպո), «Ամուսիններ» (Սամսոնյան), Մ.Լերմոնտովի «Դիմակահանդես» (Արբենին), Ա.Շիրվանզադեի «Քաոս» (Միքայել), «Չար ոգի» (Գիժ Դանիել), Վ.Շեքսպիրի «Ռիչարդ Երկրորդ» (Բոլենբրոկ), «Լիր արքա» (Լիր), Ն.Շահնազարյանի «Իմ ծաղկած դեղձենի» (Անդրե) և այլն: Բեմադրել է Հ.Մաթևոսյանի «Աշնան արև», Ա.Աղասարյանի «Անառակ որդու վերադարձը» և այլ պիեսներ: Նկարահանվել է ֆիլմերում` «Աղքատի պատիվը» (1969թ.), «Հեղնար աղբյուր» (1970թ.), «Հնձան» (1973թ.), «Այս կանչ կարմիր աշխարհը» (1975թ.) և այլն: Խաղացել է հեռուստաթատրոնում, հանդես եկել նաև ասմունքով: 2005թ. արժանացել է «Ֆրիտյոֆ Նանսեն» ոսկե մեդալի, 2011թ. և 2013թ.՝ ՀՀ մշակույթի նախարարության ոսկե մեդալի, 2011թ.՝ ՀԹԳՄ «Արտավազդ» ամենամյա մրցանակի, 2014թ.՝ Վանաձորի պատվավոր քաղաքացու կոչման, 1978թ.՝ Հայաստանի վաստակավոր, 2004թ.՝ Հայաստանի ժողովրդական արտիստի կոչման:

ԲԱԺԻՆՆԵՐ

• ԱՐԱԿԱՆ
• ԻԳԱԿԱՆ
• ՄԱՆԿԱԿԱՆ

ՄԱՍՆԱԿՑԻՐ ՔԱՍԹԻՆԳԻ