ԼԵՎՈՆ ՄԱԴՈՅԱՆ

10 օգոստոս, 1909 - 19 սեպտեմբեր, 1964

Ծնվել է Ալեքսանդրապոլում (հետագայում՝ Լենինական, այժմ՝ Գյումրի): Սովորել է տեղի միջնակարգ և երաժշտական դպրոցներում: 1923-39թթ աշխատել է Հայֆիլհարմոնիայի Լենինականի բաժանմունքի արևելյան գործիքների անսամբլում: Կարճ ժամանակ Բաքվում աշխատելուց հետո, վերադարձել է ծննդավայր: 1939թ. տեղափոխվել է Երևան, նվագել Հայֆիլհարմոնիայի ժողովրդական գործիքների նվագախմբում: 1952թ-ից եղել է Հայաստանի ռադիոյի և հեռուստատեսության ժողովրդական գործիքների անսամբլի մենակատար: Կատարել է հայկական ժողովրդական և աշուղական երգեր, պարեղանակներ, մուղամներ, հայ կոմպոզիտորների գործիքային երկեր: Վերականգնել Է Շիրակի բազմաթիվ երգեր ու պարեղանակներ: Հայտնի են «Հովվի կանչը», «Մաճկալ», «Որսկան ախպեր», «Դուն Էն գլխեն» երգերի գործիքային մեկնաբանումները: Նրա կատարումը աչքի է ընկել բարձր վարպետությամբ: Համերգներով հանդես է եկել Հայաստանի տարբեր վայրերում և Մոսկվա, Թբիլիսի, Բաքու, Տաշքենդ, Աշխաբադ, Դոնի Դոստով քաղաքներում: 1961թ. արժանացել է Հայաստանի ժողովրդական արտիստի կոչման: Մահացել է Երևանում: