Հովսեփ Վարդանյան

Գրող, պատմաբան

Փառնակես

Դրամատուրգ

Ահարոն Ստեփանյան

Լրագրող, հրապարակախոս

Գրեգոր Ասլան

Դերասան

Այծեմնիկ Զարդարյան

Քանդակագործ

Արթուր Փինաջյան

Գեղանկարիչ

Շավիղ Գրիգորյան

Արձակագիր, գրականագետ

Արա Հարությունյան

Քանդակագործ

Ռաֆիկ Բոշյան

Ճարտարապետ

Վերա Ասլանյան

Թարգմանիչ

Կարո Մկրտչյան

Գեղանկարիչ

Արմեն Շեկոյան

Բանաստեղծ, արձակագիր

Առնո Խայաջանյան

Կինոռեժիսոր

 

 

 

 

ՄԵԼԻՔ ՄԱՎԻՍԱԿԱԼՅԱՆ

Կոմպոզիտոր, դիրիժոր

Ծնվել է 1937թ. սեպտեմբերի 23-ին, Երևանում: Հաղորդավար, լրագրող Ռոբերտ Մավիսակալյանի եղբայրն է: 1961թ. ավարտել է Երևանի Կոմիտասի անվան պետական կոնսերվատորիայի ջութակի, 1967թ.` ստեղծագործական բաժինը` Էդվարդ Միրզոյանի դասարանը: 1969թ. և 1971թ. դարձել է Մոսկվայի Երիտասարդ կոմպոզիտորների համամիութենական մրցույթների դափնեկիր: 1957-60թթ եղել է Հայաստանի ռադիոյի երաժշտական գործիքային կվինտետի մենակատար, 1960-62թթ` Երևանի «Մոսկվա» կինոթատրոնի էստրադային նվագախմբի գեղարվեստական ղեկավարը, 1964-65թթ` Հայաստանի պետական էստրադային նվագախմբի տնօրենը, 1970-72թթ` Հայաստանի կոմպոզիտորների միության պատասխանատու քարտուղարը, 1972-86թթ՝ Հայաստանի ռադիոյի և հեռուստատեսության պետական կոմիտեի էստրադային նվագախմբի գեղարվեստական ղեկավարն ու դիրիժորը: 1985-2005թթ դասավանդել է Երևաևի Պ.Չայկովսկու անվան երաժշտական դպրոցում: 1991-97թթ եղել է Հայաստանի Թ.Ալթունյանի անվան հայկական ժողովրդական երգի-պարի անսամբլի գեղարվեստական ղեկավարը: եղինակել է 4 կանտատ, օրատորիա, «Ռեքվիեմ»՝ Հայոց Ցեղասպանության (1915թ.) գոհերի հիշատակին, կոնցերտներ շեփորի և նվագախմբի, ջութակի և նվագախմբի համար, լարային կվարտետներ, սոնատներ, խմբերգեր, մանկական և էստրադային երգեր: Հիշարժան են նրա «Մեծ նվեր» օպերետը (1971թ.), «Սիմֆոնիկ պարեր» (1975թ.), «Կոնցերտ-ֆանտազիա» (1968թ.) և այլ ստեղծագործություններ: 1981թ. դերակատարում է ունեցել «Համեստ մարդը» կարճամետրաժ ֆիլմում: Գրել է երաժշտություն ֆիլմերի համար` «Ախթամար» (1969թ.), «Բաղդասարը բաժանվում է կնոջից» (1976թ., Առնո Բաբաջանյանի հետ), «Համեստ մարդը» (1981թ.) և այլն: 1982թ. արժանացել է Հայաստանի արվեստի վաստակավոր գործչի, 2012թ.` Հայաստանի ժողովրդական արտիստի կոչման, 2015թ.` Երևանի քաղաքապետարանի ոսկե մեդալի: