Արա Վրույր

Դերասան, լուսանկարիչ

Հատիկ Ազիզյան

Պատմաբան, լրագրող

Էվերտ Պայազատ

Կինոգետ, կինոսցենարիստ

Դանիել Երաժիշտ

Ջութակահար, դիրիժոր, երաժշտագետ

Թովմաս Պողոսյան

Երգիչ, բանահավաք

Նաիրա Շահիրյան

Դերասանուհի, հաղորդավար

Մանու Իրիցյան

Հաղորդավար, լրագրող

Նաիրա Կոլոզյան

Դերասանուհի

 

 

 

 

ՔՐԻՍՏ ՄԱՆԱՐՅԱՆ

Երգահան, դրամատուրգ

Ծնվել է 1961թ. սեպտեմբերի 2-ին, Երևանում: Դերասան Երվանդ Մանարյանի որդին է: Ավարտել է Երևանի թիվ 114 անգլիական թեքումով միջնակարգ և Սայաթ-Նովայի անվան երաժշտական դպրոցները, ապա` Երևանի գեղարվեստաթատերական ինստիտուտի դրամայի ռեժիսուրայի ֆակուլտետը` պրոֆեսոր Մարատ Մարինոսյանի ղեկավարությամբ: Հեղինակել է մեկ տասնյակից ավելի հեռուստատեսային ծրագրեր` «Ալամբուչիկ», «Հաղորդում թիվ 6», «Հատակում», «Տուն-տունիկ», «Օլյայի օրագիրը», «Քրիստոմանիա», «Հոպլյաթիռ», «Թեթև սոլիդ», «4-ին գումարած» և այլն: Հեղինակել է նաև «Ոսկեջրած ձկնիկը» և «Ջին ջան» թատերական պիեսները, հայ-ամերիկյան «Կորած և մոլորված Հայաստանում» (2012թ.) կատակերգության և «Գարեգին Նժդեհ» (2014թ.) ֆիլմի սցենարները: Հանդիսացել է Հայաստանի հանրային և Հայկական երկրորդ հեռուստաընկերությունների ամանորի ծրագրերի սցենարիստն ու երաժշտական խմբագիրը, «Ձմեռային գիշերվա երազ» հեռուստատեսային երաժշտական բեմադրության սցենարի և երաժշտության, «Գարնանային պատմություն» հեռուստատեսային պիեսի հեղինակը: 1998թ. ներկայացրել է Հայաստանը Լոնդոնում կայացած մանկական հեռուստատեսությունների երկրորդ համաշխարհային գագաթաժողովում: Դարձել է 1998թ. Սոչիում կայացած բանակային և 2004թ. ԱՄՆ-ում կայացած հայկական ազգային երաժշտական փառատոների դափնեկիր` «Լավագույն երգահան» անվանակարգում: Հեղինակել է ավելի քան 350 երգ, որոնք կատարել են Հայաստանի և սփյուռքի ճանաչված երգիչ-երգչուհիները, այդ թվում` երկու տասնյակից ավելի ստեղծագործություններ` նվիրված Հայոց բանակին: Թողարկել է «Երևանյան գիշերներ» (2009թ.), «Կապույտ թռչուն» (2011թ.) ձայնասկավառակները, ինչպես նաև մանկական երգերով տեսասկավառակ` «Երաժշտական այբուբեն» խորագրով: Հանդիսանում է «Բարդերի ակումբ»-ի անդամ: Հեղինակել է նաև մանկական հեքիաթներ, որոնք լույս է ընծայել «Ծիծեռնակ» հրատարակչությունը` «Տուն-տունիկի հեքիաթները» խորագիրը կրող ժողովածուի տեսքով: 2005թ. հրավիրվել է ԱՄՆ` աշխատակցելու «ARTN» հեռուստաընկերությանը և 3 տարի բնակվել ու աշխատել է Գլենդելում: Հյուրախաղերով հանդես է եկել Ռուսաստանում, Գերմանիայում, ԱՄՆ-ում: Խաղացել է 15 թատերական և հեռուստատեսային բեմադրություններում, նկարահանվել է 6 գեղարվեստական ֆիլմում:

 

  

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար