
Ստեփան Զելինսկի
Ազգագրագետ, տնտեսագետ, պատմաբան

Սարգիս Բալասանյան
Կոմպոզիտոր

Հակոբ Հակոբյան
Բանաստեղծ, թարգմանիչ

Բաք Քարթալյան
Դերասան

Բագրատ Հովհաննիսյան
Կինոռեժիսոր

Երվանդ Արզումանյան
Դերասան

Ազատ Գասպարյան
Դերասան, ասմունքող

Զավեն Աբրահամյան
Դերասան

Մարիամ Գրիգորյան
Դերասանուհի

Փոլ Կարմիրյան
Պարող, պարուսույց
ԷՐԱԶՄ ՔԱՐԱՄՅԱՆ

15 մարտ, 1912 - 15 հունիս, 1985
Էրազմ Մելիք-Քարամյան
Ծնվել է Փարիզում: 1935թ. ավարտել է Խարկովի թատերական ուսումնարանը: Աշխատել է Սիբիրի և Մոսկվայի թատրոններում, 1936թ-ից` հայկական կինոյում` նախ ռեժիսորի ասիստենտ, ապա երկրորդ ռեժիսոր, մասնակցել է «Կարո» (1937թ.), «Զանգեզուր» (1938թ.), «Լեռնային արշավ», «Լեռնային հեղեղ» (երկուսն էլ` 1939թ.), «Արարատյան դաշտի աղջիկը» (1949թ.) գեղարվեստական ֆիլմերի ստեղծմանը: 1947-54թթ եղել է փաստագրական, 1954թ-ից` գեղարվեստական կինոյի ռեժիսոր: Նկարահանել է «Հայաստանի ամառանոցները» (1940թ.), «Սովետական բանակի մուտքը Իրան» (1941թ.), «Սևանի կասկադը» (1948թ.), «Սոցիալիստական Երևանի ճարտարապետությունը» (1952թ., Յուրի Երզնկյանի հետ) և այլ վավերագրական ֆիլմեր: Գեղարվեստական կինոնկարներից են` «Ուրվականները հեռանում են լեռներից» (1955թ.), «Ամպրոպի արահետով» (1956թ.), «Անձամբ ճանաչում եմ» (1957թ.), «Արտակարգ հանձնարարություն» (1965թ.), «Պայթյուն կեսգիշերից հետո» (1969թ., բոլորն էլ` Ստեփան Կևորկովի հետ), «Նասրեդինը Խոջենթում» (1960թ., Համո Բեկնազարյանի հետ, «Ուզբեկֆիլմ» կինոստուդիա), «Տասներկու ուղեկից» (1962թ.): Մասնակցել է իր մի շարք ֆիլմերի սցենարների ստեղծմանը: Արժանացել է բազմաթիվ պետական մրցանակների և մեդալների: 1967թ. արժանացել է ՀՀ Պետական մրցանակի, 1966թ.` Հայաստանի, 1971թ.` ԽՍՀՄ ժողովրդական արտիստի կոչման: Մահացել է Երևանում: