ԱՐՄԱՆ ՆՇԱՆՅԱՆ

Դերասան, օպերային երգիչ

Ծնվել է 1978թ. օգոստոսի 12-ին, Երևանում: Դերասան Ժան-Պիեր Նշանյանի և դերասանուհի Շաքե Թուխմանյանի որդին է: 1980թ. տեղափոխվել է Լոս Անջելես: Արվեստի առաջին քայլերն արել է տեղի «Howard Fine Acting» ինստիտուտում, որն ավարտել է 1998թ. և ընդունվել միանգամից երկու կրթական հաստատություն` Ստելլա Ադլերի դերասանական ակադեմիա և Էրիկ Մորիսի դերասանական ինստիտուտ: 2002թ. ավարտել է դերասանական կրթությունը և դարձել է Լի Ստրասբուրգի անվան «Դերասանի Ստուդիա»-յի ցմահ անդամ, որի նախագահն է դերասան Ալ Պաչինոն: Առաջին դերը խաղացել է 8 տարեկան հասակում` Է.դը Ֆիլիպպոյի «Ծննդյան տոներն սենյոր Կուպելոյի տանը» ներկայացման մեջ: 1989թ. խաղացել է Հ.Պարոնյանի «Մեծապատիվ մուրացկաններ» ներկայացման մեջ: Գլխավոր դերեր է կերտել 1998թ. նկարահանած «Dreaming in color» և 1999թ. նկարահանած «Palco and Hirsch» հոլիվուդյան ֆիլմերում: 2000-06թթ ԱՄՆ-ում կերտել է մի շարք դերեր տարբեր ներկայացումներում` Թ.Ուիլիամսի «Տրամվայի ցանկություն», Ա.Միլլերի «Վաճառողի մահ», «Տեսարան կամուրջից», Ք.Գուսի «Խաղում ենք Համլետ», Վ.Շեքսպիրի «Համլետ» և այլն: 2003-07թթ սովորել է Վիեննայի կոնսերվատորիայի օպերային բաժնում, 2007-12թթ` Երևանի Կոմիտասի անվան պետական կոնսերվատորիայի օպերային բաժնում: 2011թ-ից երգում է Հայաստանի Ա.Սպենդիարյանի անվան օպերայի և բալետի ազգային ակադեմիական թատրոնում: Մասնակցել է բազմաթիվ համերգային ծրագրերի Հայաստանում և արտերկրում: 2012թ-ից նկարահանվել է «Արմենիա» հեռուստաընկերության «Եղբայրներ» հեռուստասերիալում, 2015թ.` հոլիվուդյան «Ոճրագործի օրագիրը» և «Բյուզանդիայից Արևելք» ֆիլմերում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար