Գալուստ Կոստանդյան

Հրապարակախոս, փիլիսոփա, բնագետ

Արա Պարթևյան

Կոմպոզիտոր, դիրիժոր

Պետրոս Զարոյան

Դրամատուրգ, արձակագիր, գրականագետ

Գրիկեր

Պատմաբան

Շահեն Հակոբյան

Բեմանկարիչ

Էլվիրա Ուզունյան

Օպերային երգչուհի, դերասանուհի

Ավետիս Խաչատրյան

Գեղանկարիչ

Գոռ Սարգսյան

Բալետի արտիստ

Չորս Տարբերակ

Փոփ խումբ

 

 

 

 

ՀԵՆՐԻԿ ՀՈՎՀԱՆՆԻՍՅԱՆ

Թատերագետ, հաղորդավար

Ծնվել է 1936թ. հունիսի 3-ին, Լենինականում (այժմ՝ Գյումրի): Ավարտել է Ա.Գրիբոյեդովի անվան թիվ 41 միջնակարգ դպրոցը, 1958թ.՝ Երևանի գեղարվեստաթատերական ինստիտուտը: 1958-61թթ աշխատել է ՀԽՍՀ Մինիստրների խորհրդին առընթեր ռադիոյի և հեռուստատեսության պետական կոմիտեում` որպես հաղորդավար: 1961-64թթ եղել է Հայաստանի Գիտությունների ակադեմիայի արվեստի ինստիտուտի ասպիրանտ, 1965թ. պաշտպանել է թեկնածուական դիսերտացիա: 1965թ-ից աշխատում է ՀՀ ԳԱԱ արվեստի ինստիտուտում, 1972թ. ատեստավորվել է` որպես ավագ գիտաշխատող: 1973-74թթ հանդիսացել է ռադիոհաղորդումների և հեռուստատեսության պետական կոմիտեի հաղորդավարական բաժնի գեղարվեստական ղեկավարը, 1976թ-ից` Հայաստանի Գիտությունների ակադեմիայի արվեստի ինստիտուտի գիտական աստիճանաշնորհման մասնագիտական խորհրդի գիտական քարտուղարը, 1973թ-ից` հայկական սովետական հանրագիտարանի գիտաճյուղային խորհրդի անդամ: Հայաստանի ԳԱ արվեստի ինստիտուտում պաշտպանել է դոկտորական դիսերտացիա` «Թատրոնը միջնադարյան Հայաստանում» թեմայով: Հիմնական աշխատությունները նվիրված են հայ հին և միջնադարյան թատրոնի, 19-րդ դարի արևմտահայ և արևելահայ թատրոնների պատմությանը, բեմական խոսքի տեսությանը, դերասանական արվեստի բնույթին: Հեղինակել է գիտական և հանրագիտարանային հոդվածներ, թատրոնի և գրականության մասին մեկ տասնյակից ավելի գրքեր, հրատարակվել է գիտական ժողովածուներում, հանդեսներում, մամուլում: Հայաստանի հանրային հեռուստատեսությամբ վարել է մի շարք հեռուստահաղորդաշարեր` գրքի, լեզվի, մշակույթի վերաբերյալ, ինչպես նաև` նարեկյան ընթերցուներ: 1990-91թթ եղել է ՀՀ Հեռուստատեսության և ռադիոյի պետական կոմիտեի նախագահը, 1992թ-ից` Երևանի Ե.Չարենցի անվան գրականության և արվեստի թանգարանի գիտական խորհրդի անդամ, 1995թ-ից` ՀՀ ԳԱԱ արվեստի ինստիտուտի գիտական աստիճանաշնորհման խորհրդի նախագահը: 2001թ-ից նշանակվել է ՀՀ Հանրային հեռուստառադիոընկերության խորհրդի անդամ: 2004թ-ից ՀՀ ԳԱԱ արվեստի ինստիտուտի թատրոնի բաժնի վարիչն է: 2006թ. ընտրվել է ՀՀ ԳԱԱ թղթակից անդամ: 2011թ-ից ՀՀ Հանրային հեռուստառադիոընկերության նախագահի գլխավոր խորհրդականն է: 2014թ-ից Հայաստանի հանրային հեռուստաընկերության եթերում վարում է «Արվեստն արվեստի համար» հեղինակային հաղորդաշարը: 2003թ. արժանացել է Հայաստանի գիտության վաստակավոր գործչի կոչման, 2006թ.՝ ՀՀ ԳԱԱ Վաստակագրի, 2008թ.` ՀՀ մշակույթի նախարարության ոսկե մեդալի, 2011թ.՝ «Հայրենիքին մատուցած ծառայությունների համար» առաջին աստիճանի մեդալի, 2016թ.՝ Սբ. Էջմիածնի «Սուրբ Սահակ - Սուրբ Մեսրոպ» մեդալի:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար