Ստեփանոս Ագոնց

Հայագետ, աշխարհագրագետ, եկեղեցական գործիչ

Նինա Ղորղանյան

Օպերային երգչուհի

Թադեոս Էֆենդի

Երգահան, ջութակահար, քանոնահար

Ֆրեյդուն Աղալյան

Ճարտարապետ

Օննիկ Ավետիսյան

Գեղանկարիչ, արվեստաբան

Գոհար Ֆերմանյան

Գեղանկարչուհի

Ալեքսանդրու Շահիկյան

Արձակագիր, բանաստեղծ, դրամատուրգ

Գուրգեն Գաբրիելյան

Դերասան, ռեժիսոր

Զարեհ Մուրադյան

Բալետի արտիստ, պարուսույց

Վարդուհի Խաչատրյան

Օպերային երգչուհի

Աննա Մնացականյան

Օպերային երգչուհի

 

 

 

 

ԷԴՈՒԱՐԴ ԻՍԱԲԵԿՅԱՆ

Գեղանկարիչ

8 նոյեմբեր, 1914 - 20 օգոստոս, 2007

Ծնվել է Արևելյան Հայաստանի Իգդիր քաղաքում (այժմ՝ Թուրքիայում): Եղել է նկարչուհի Արփենիկ Նալբանդյանի ամուսինը, ճարտարապետ Հրայր Իսաբեկյանի եղբայրը: 1931թ. ավարտել է Երևանի գեղարդ տեխնիկումը (այժմ` Փ.Թերլեմեզյանի անվան գեղարվեստի ուսումնարան), 1941թ.` Թբիլիսիի գեղարվեստի ակադեմիան: 1945-2000թթ դասավանդել է Երևանի գեղարվեստաթատերական ինստիտուտում (1963թ-ից` պրոֆեսոր): 1967-86թթ եղել է Հայաստանի ազգային պատկերասրահի տնօրենը: 1941-45թթ Հայրենական Մեծ պատերազմի տարիներին ստեղծել է ժողովրդի հերոսների և հայոց ազգային-ազատագրական պայքարը պատկերող կտավներ` «Մարտ քաղաքի համար» (1942թ.), «Դավիթ Բեկ» (1945թ.), «Տանյա» (1946թ.): Թեմատիկ-կոմպոզիցիոն գործերն աչքի են ընկնում մոնումենտալ արտահայտչականությամբ, դինամիկ հորինվածքով, քաղաքացիական հնչողությամբ` «Հաղպատի գյուղացիների ապստամբությունը 1903-ին» (1957թ.), «Պատասխան Հազկերտին» (1960թ.): Հայ դիմանկարչության նվաճումներից են «Մոր դիմանկարը» (1944թ.), «Ակսել Բակունց» (1956թ.), «Հորս դիմանկարը» (1995թ.) գործերը: Բնապատկերների թեմատիկ առանցքը Հայաստանի բնության, հնադարյան բերդերի ու տաճարների էպիկ, նկարագիրն է` «Տաթևի ձորում» (1959թ.), «Խնձորեսկ» (1962թ.), «Արաքսի ափին» (1980թ.): Դրամատիկ լարվածությամբ են բնորոշվում «Արտավազդի մահը» (1966թ.), «Սրտավազդ և Կլեոպատրա» (1981թ.) և այդ շարքի մյուս գործերը: Նկարազարդել է Դերենիկ Դեմիրճյանի «Վարդանանք» (1952թ.), Սերո Խանզադյանի «Մխիթար Սպարապետ» (1963թ.) պատմավեպերը: Հեղինակել է «Իգդիր» վեպը (1994թ.): Ունեցել է անհատական ցուցահանդեսներ Երևանում (1985թ., 2004թ.), Մոսկվայում (1988թ.): «Ավարայրի ճակատամարտը», «Հարսանյաց երթ», «Առավոտ», «Անհանգիստ ձիեր», «Արաքսի ափին», «Ձիեր ջրվեժի մոտ», «Կիրճում» (1982-84թթ) գործերի համար ստացել է Հայաստանի Պետական մրցանակ (1985թ.): 2001թ. պարգևատրվել է Երևանի պատվավոր քաղաքացու կոչումով, 2004թ.` հայ եկեղեցու Սբ. Մեսրոպ-Սբ. Սահակ շքանշանով: 1963թ. արժանացել է Հայաստանի ժողովրդական նկարչի կոչման: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար