ՄԱՐԻՆԵ ԱԼԵՍ

Երգահան

Մարինե Վարդանյան-Համբարձումյան

Ծնվել է 1958թ. նոյեմբերի 24-ին, Մոսկվայում: Ներկայանում է «Ալես» ստեղծագործական կեղծանունով՝ զավակների՝ Ալեքսանդրի և Սեդայի անունների հապավումից: 1975-79թթ սովորել է Երևանի Ռ.Մելիքյանի անվան երաժշտական ուսումնարանի դաշնամուրային բաժնում: 1979-82թթ աշխատել է Երևանի Ա.Այվազյանի անվան երաժշտական դպրոցում` որպես մանկավարժ: 1982-87թթ սովորել է Երևանի գեղարվեստաթատերական ինստիտուտի թատերագիտական բաժնում, որտեղ ստացել է Վահրամ Փափազյանի անվան կրթաթոշակ: 1987թ-ից ուսումը շարունակել է Մոսկվայի Թատերական արվեստի պետական ինստիտուտում, որին զուգահեռ սովորել է նաև ՀՀ ԳԱԱ արվեստի ինստիտուտում: 1987-98թթ դասավանդել է Երևանի գեղարվեստաթատերական ինստիտուտի արվեստի տեսության և պատմության ամբիոնում: Աշխատանքի բերումով 1993թ-ից մեկնել է ԱՄՆ: 1998-2008թթ աշխատել է Վաշինգտոնում և Մոսկվայում` որպես արվեստի խորհրդատու: Հեղինակել է շուրջ 300 հայերեն և ռուսերեն երգեր, որոնցից մոտ 60-ը տեղ են գտել նրա թողարկած թվով 5 սկավառակներում` «Կհեռանամ ինձանից» (1999թ.), «Իմ բարդիներ» (2001թ.), «Մտորումներ» (2003թ.), «Քո կողքին և առանց քեզ» (2007թ.), «Ոտաբոբիկ` երկնքով» (2010թ.): Նաև հեղինակել է իր բոլոր երգերի խոսքերը, որոնք կատարում են Հայաստանի երգարվեստի լավագույն ներկայացուցիչները: Ունի նաև 12 սինգլ` «Քարե անձրև», «Պատրանքի թևով», «Постойте, господа», «Դարի զավակներ» և այլն: Վերջինիս համար արժանացել է Սայաթ-Նովայի համահայկական մրցույթ-փառատոնի գլխավոր մրցանակին: 1989թ-ից Հայաստանի թատերական գործիչների միության անդամ է: 2008թ. վերադարձել և հաստատվել է Երևանում: 2009թ. եղել է «Նվիրիր կյանք» բարեգործական հիմնադրամի հիմնադիրներից, որի պատվավոր նախագահն է ՀՀ առաջին տիկին Ռիտա Սարգսյանը: Արժանացել է մի շարք մրցանակների և պատվոգրերի, որոնցից են` Վաշինտոնում հայ-ամերիկյան ասամբլեայի և Մոսկվայի «Արմենիա» պրոդյուսերական ընկերության կողմից ստացած մրցանակները` հայկական արվեստում ունեցած ավանդի համար: 2010թ. թողարկել է «Բեկորներ» բանաստեղծությունների ժողովածուն:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար