Թադևոս Ավետումյան

Արձակագիր, թարգմանիչ

Սերովբե Թագվորյան

Հրապարակախոս, պետական գործիչ

Ալեքսան Պեզճյան

Մանկավարժ, բնագետ

Ամիրան Մանդինյան

Դերասան, թարգմանիչ

Վահագն Ստամբոլցյան

Երգեհոնահար

Հակոբ Ազիզյան

Դերասան, բեմադրիչ

Աբրահամ Տերյան

Բանասեր, հայագետ

Արա Գևորգյան

Կոմպոզիտոր, երաժիշտ

Նարինե Անանիկյան

Օպերային երգչուհի

Էրիկ Անթառանյան

Հաղորդավար, պրոդյուսեր

Արթուր Աղաբեկյան

Հաղորդավար

 

 

 

 

ԷԴԳԱՐ ԳՅԱՆՋՈՒՄՅԱՆ

Կոմպոզիտոր

Ծնվել է 1978թ. ապրիլի 15-ին, Երևանում: Պարուսույց Սուրեն Գյանջումյանի թոռն է: Ավարտել է Երևանի թիվ 147 միջնակարգ դպրոցը: 1995-99թթ սովորել է Երևանի պետական համալսարանի կիրառական մաթեմատիկայի ֆակուլտետում, 1997-2001թթ՝ «Հրաչյա Աճառայան» համալսարանի միջազգային իրավունքի ֆակուլտետում, 2001-04թթ՝ Երևանի Կոմիտասի անվան պետական կոնսերվատորիայի կոմպոզիցիայի բաժնում` Երվանդ Երզնկյանի դասարանում: 2010թ. ավարտել է նաև ասպիրանտուրան՝ Արամ Սաթյանի ղեկավարությամբ: 2002թ. «Ամերիկա-Ռուսաստան մշակույթի զարգացման հիմնադրամ»-ի պատվերով գրել է «Հավերժության ոգի» գործիքային ստեղծագործությունը` նվիրված սեպտեմբերի 11-ի ահաբեկչության զոհերի հիշատակին: 2004թ. ունեցել է երեք մենահամերգ՝ Հայաստանի պետական ջազ նվագախմբի մասնակցությամբ: Համագործակցել է հայ երգարվեստի մի շարք ներկայացուցիչների հետ` Նառա, Զարուհի Բաբայան, Նունե Եսայան, Ալլա Լևոնյան և այլք: Հեղինակել է սյուիտ (առաջին անգամ հնչել է Մոսկվայում` Կրեմլի համերգասրահում` Ռուսաստանի ազգային սիմֆոնիկ նվագախմբի և Ջիվան Գասպարյանի կատարմամբ), երկու վոկալ ցիկլեր, խմբերգային ստեղծագործություններ, «Ռոմեո և Ջուլիետ» ստեղծագործությունը, «Կարոտի Ծառեր» մանկական մյուզիքլը, դաշնամուրային վարիացիաներ, շուրջ 100 երաժշտական պիեսներ և երգեր, որոնք կատարվել են ճանաչված երաժիշտների և երգիչների կողմից: 2008թ. ստեղծել է «Օգնեմ» բարեգործական հիմնադրամը, որի նպատակն է օգնել արյան հիվանդությամբ տառապող երեխաներին: 2008թ. Երևանի «Արամ Խաչատրյան» համերգասրահում կայացել է կոմպոզիտորի 4-րդ ստեղծագործական երեկոն, Հայաստանի ռադիոյի և հեռուստատեսության էստրադային-սիմֆոնիկ պետական նվագախմբի մասնակցությամբ: Տարբեր տարիների կազմակերպվել են նաև հեռուստահամերգներ: Թողարկել է «Նոր դարի երգարան» (2001թ.), «Հավերժության ոգի» (2002թ.), «Սիրո մասին» (2004թ.), «Հավատա և աղոթիր» (2008թ.), «Սիրված և նոր» (2010թ.) ձայնասկավառակները: Արժանացել է Լոս Անջելեսի հայկական երաժշտական մրցանակաբաշխության «Լավագույն երգ», «Լավագույն սկավառակ» (2001թ.), «Երևանին նվիրված լավագույն երգ» (2001թ.), «Կռունկ» (2005թ.), «Ոսկե Քնար» երաժշտական մրցույթների «Հատուկ ավանդ» (2005թ.) և այլ մրցանակների: 2011թ-ից Երևանի Ք.Քուշնարյանի անվան արվեստի դպրոցի տնօրենն է, 2013թ-ից՝ Հայաստանի կոմպոզիտորների միության անդամ: 2008թ. ստացել է ՀՀ պաշտպանության նախարարության պատվոգիր: 2011թ. արժանացել է Հայաստանի մշակույթի վաստակավոր գործչի կոչման:
 

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար