ԼԵՎՈՆ ՊՈՒՉԻՆՅԱՆ

Ծնվել է 1977թ. հուլիսի 16-ին, Երևանում: 10 տարեկան հասակից սկսել է նվագել շեփոր: 12 տարեկան հասակից նվագել է «Արարատ» փողային նվագախմբում: 1998թ-ից աշխատել է Հայաստանի պետական ջազային նվագախմբում, 2002թ-ից նվագել է վիբրաֆոնահար Տիգրան Պեշտմալջյանի կվինտետում, 2005թ-ից` «Ամարաս» ջազ կվինտետում, 2007թ-ից` «Արտ Վոիսիս» խմբում, որի կազմով համագործակցել է մի շարք երգիչ-երգչուհիների հետ: Որպես շեփորահար ներկայացել է «Գոհար» նվագախմբում, «Լոս Լոկոս» ֆլամենկո և «Հայվեյ» խմբերում: Հյուրախաղերով եղել է աշխարհի բազմաթիվ երկրներում և որպես շեփորահար ներկայացել է «Գոհար», Հայաստանի պետական ջազային նվագախմբի, «Ամարաս», «Արտ Վոիսիս» և այլ խմբերի թողարկած շուրջ 10 ձայնասկավառակներում: 2010թ-ից հանդես է գալիս «Հայվեյ» բենդում` որպես շեփորահար, որի կազմով համերգային ելույթներ է ունեցել Քաթարում, Մոսկվայում, Սանկտ-Պետերբուրգում: 2015թ-ից զուգահեռ աշխատում է նաև Հայաստանի պետական երիտասարդական նվագախմբում: Նվագախմբի կազմով մասնակցել է Բեյրութում կայացած «Ալբուստան» երաժշտական փառատոնին, ելույթներ ունեցել Կաննում, Փարիզում: