ՄՈՒՐԱԴ ՋԱՆԻԲԵԿՅԱՆ

Դերասան

Ծնվել է 1956թ. դեկտեմբերի 3-ին, Երևանում: Ավարտել է Երևանի Գ.Սունդուկյանի անվան թատրոնին կից ստուդիան` Խորեն Աբրահամյանի արվեստանոցը, 1979թ.` Երևանի գեղարվեստաթատերական ինստիտուտի դերասանական ֆակուլտետը: Բուհն ավարտելուց հետո աշխատել է մի շարք թատրոններում` որպես դերասան: 1983-84թթ աշխատել, 1997թ-ից աշխատում է Երևանի Գ.Սունդուկյանի անվան ազգային ակադեմիական թատրոնում` որպես դերասան: Խաղացած ներկայացումներից են` Ֆ.Դոստոևսկու «Խաղամոլը» (Մարկիզ դը Գրիե), Լ.Շանթի «Հին աստվածներ» (Կույր վանական), Թ.Ուիլյամսի «Ցանկություն տրամվայ» (Սթենլի), Ռ.Շառոյանի «Մեր բաժին ուրախությունը» (Զորավար Անդրանիկ), Պ.Զեյթունցյանի «Ոտքի, դատարանն է գալիս» (Սողոմոն Թեհլերյան), Բայերի «Դեպք մետրոյում» (Ֆերոն) և այլն: Վերջին դերի համար 1988թ. արժանացել է համամիութենական թատերական փառատոնի գլխավոր մրցանակին: Նկարահանվել է մի շարք ֆիլմերում` «Չհարմարվող մարդը» (1978թ.), «Ձյունե հարսանիք» (1981թ.), «Հատակում» (1987թ.), «Որտեղ էիր, մարդ Աստծո» (1992թ.) այլն: Նկարահանել է «Համլետ» գեղարվեստական ֆիլմը, որը 2005թ. արժանացել է ԱՄՆ-ի միջազգային կինոփառատոնի «Լավագույն դերասան», «Լավագույն ռեժիսոր» մրցանակների: 2000թ. արժանացել է ՀԹԳՄ «Արտավազդ» մրցանակի, 2003թ.` ՀՀ մշակույթի նախարարության ոսկե մեդալի, համահայկական «Վահագն» մրցանակի, 2013թ.` ՀԹԳՄ Վահրամ Փափազյանի անվան Հատուկ մրցանակի և ՀՀ «Մովսես Խորենացի» մեդալի, 2014թ.` Լեհաստանի միջազգային թատերական փառատոնի Գրան Պրիի: 2005թ. արժանացել է Հայաստանի վաստակավոր արտիստի կոչման:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար