ԷՐԵԲՈՒՆԻ ԹԱՆԳԱՐԱՆ

Էրեբունի թանգարանը հիմնվել է 1968թ. հոկտեմբերի 19-ին Երևան քաղաքի հիմնադրման 2750-ամյակի տոնակատարություններին ընդառաջ: Թանգարանը ստեղծվեց ՀՀ Կառավարության 1968թ. մայիսի 24-ի թիվ 225 որոշմամբ, որի համար գիտական հիմք են հանդիսացել Երևան քաղաքի վարչական սահմաններում գտնվող նշանավոր 3 հնավայրերից`Արին բերդից, Կարմիր բլուրից և Շենգավիթից հայտնաբերված գտածոները։ Այն գտնվում է Արին Բերդ բլրի վրա, մի վայրում, որտեղ մ․թ․ա․ 782թ. Արգիշտի Ա-ի կողմից հիմնվել է Էրեբունի ամրոցը։ 2003թ. մարտի 7-ին վերանվանվելով որպես պատմահնագիտական արգելոց-թանգարան` Էրեբունին այսօր գործում է "Կարմիր բլուր" և "Շենգավիթ" մասնաճյուղերով`հանդիսանալով հանրության համար այցելելի միակ հնագիտական արգելոց-թանգարանը Երևան քաղաքում և կարևոր ուրարտագիտական կենտրոն տարածաշրջանում: 1970թ. շենքի նախագիծն արժանացել է ԽՍՀՄ Ճարտարապետների միության դիպլոմի: Հեղինակներն են ճարտարապետներ Շմավոն Ազատյանն ու Բաղդասար Արզումանյանը, քանդակագործը՝ ՀԽՍՀ ժողովրդական նկարիչ Արա Հարությունյանը: Ներկայումս ֆրանսիացի հնէաբանները հայ մասնագետների հետ միասին լայն թափով շարունակում են Էրեբունի ամրոցի պեղումները:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար