ԵՐԵՎԱՆԻ ԵՐԻՏԱՍԱՐԴԱԿԱՆ ՊԱԼԱՏ

Երիտասարդական պալատը համարվում էր սովետական մոդեռնիզմի լավագույն օրինակներից մեկը: Ամեն ինչ սկսվել է այն ժամանակ, երբ իշխանությունները որոշել են ԽՍՀՄ բոլոր հանրապետությունների մայրաքաղաքներում Երիտասարդական պալատներ կառուցել: 1970թթ կեսերին Հայաստանի Կոմերիտմիության ղեկավարը Ստեփան Պողոսյանն էր: Նա դիմել էր երեք ճարտարապետներ ՝ Հրաչ Պողոսյանին, Արթուր Թարխանյանին և Սպարտակ Խաչիկյանին ՝ առաջարկելով զբաղվել այդ նախագծով: Մինչ Երիտասարդական պալատի նախագծի վրա աշխատելը, այս երեք ճարտարապետները արդեն ունեին միասին համագործակցության փորձ, նրանք աշխատել էին Աբովյան քաղաքի գլխավոր հատակագծի վրա: Երիտասարդական պալատի կառուցման վայրի համար կար մի քանի տարբերակ՝ Ազգային ժողովի ետնամասում գտնվող տարածքը, Պասկևիչի բլուրը և այլն: Նախատեսվում էր, որ Երիտասարդական պալատը պիտի բարձրադիր, բոլորին երևացող վայրում կառուցվի: Երկար փնտրտուքներից հետո նախագծողները կանգ առան այն վայրի վրա, որտեղ և կառուցված էր Երիտասարդական պալատը: Նախագծային աշխատանքները բավականին բարդ էին. պետք է կառուցվեր ոչ միայն հյուրանոց, այլև ակումբ, ռեստորան, հարսանյաց սրահ, լողավազան և սրճարան: Սկզբում կառուցվել է հյուրանոցը, հետո ակումբային մասը, լողավազանը: Ավելի ուշ կառուցվել է նաև էստրադային դահլիճը՝ 1000 նստատեղով: Ակումբային մասում կար մեկ այլ դահլիճ ևս՝ նախատեսված 300 հոգու համար: Շինարարությունը տևել է բավականին երկար ` պալատը կառուցվել է մաս-մաս: Շինարարության համար նախատեսված գումարները տրամադրվում էին Մոսկվայից: Շենքի ամենավերևի հարկում կար սրճարան, որի հատակը պտտվում էր: Մեկ ժամվա ընթացքում սրճարանը պտտվում էր իր առանցքի շուրջ` հնարավորություն տալով վայելել քաղաքի տեսարանը: Մարդիկ նախօրոք էին տեղեր պատվիրում այդ սրճարան հաճախելու համար: 1980-ականների կեսերին համալիրն արդեն ամբողջությամբ պատրաստ էր: 1979թ. հանդիսավորությամբ տեղի ունեցավ Երևանի Երիտասարդության պալատի բացման արարողությունը: 2005թ. Երևանի քաղաքապետարանը որոշում ընդունեց քանդել Երիտասարդական պալատի շենքը: 2010թ. այդ տարածքում նոր շենք կառուցելու մրցույթ հայտարարվեց:  Ներկայացված աշխատանքներից ընտրվել էր ճապոնացի ճարտարապետի նախագիծը: Այն ներկայացվել էր Երևանի քաղաքապետին կից քաղաքաշինական խորհրդում և, որոշ դիտողություններով հանդերձ, հավանություն էր ստացել, սակայն այս նախագիծը դեռևս չի իրագործվել:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար