ԵՐԵՎԱՆԻ ՄԽԻԹԱՐ ՀԵՐԱՑՈՒ ԱՆՎԱՆ ՊԵՏԱԿԱՆ ԲԺՇԿԱԿԱՆ ՀԱՄԱԼՍԱՐԱՆ

Երևանի Պետական բժշկական համալսարանը գտնվում է Կորյունի 2-րդ հասցեում: ՀՀ նախարարների խորհրդի 1919թ. մայիսի 16-ին հաստատած օրենքով Երևանում հիմնվեց համալսարան՝ պատմալեզվաբանական, տնտեսաիրավաբանական, բժշկական, ֆիզիկամաթեմատիկական բաժիններով: 1922-27թթ հիմնականում ավարտվում է ամբիոնների կազմավորումը։ 1927թ. բժշկական ֆակուլտետը տալիս է իր առաջին 32 շրջանավարտը։ 1930թ. ՀԽՍՀ կառավարության որոշմամբ՝ պետական համալսարանի ֆակուլտետների հիման վրա ստեղծվում են ինքնուրույն ինստիտուտներ, այդ թվում և՝ պետական բժշկական համալսարանը։ 1936թ. ԽՍՀՄ ժողկոմխորհի որոշմամբ ինստիտուտին ատենախոսությունների պաշտպանության իրավունք է տրվում։ 1957թ. սփյուռքահայերի համար ստեղծված արտասահմանցի ուսանողների բաժինը հետագայում ընդլայնվում է և սկսվում է նաև օտարերկրացիների ընդունելությունը: 1989թ. բուհն անվանակոչվել է միջնադարի անվանի բժիշկ Մխիթար Հերացու անունով, իսկ 1995թ. ՀՀ կառավարության որոշմամբ ստացել համալսարանի կարգավիճակ: Համալսարանում ուսուցումը կատարվում է հայերեն, ռուսերեն, անգլերեն` ըստ համալսարանի և ուսանողի միջև կնքված պայմանագրի։ Գործում է կրթության երկաստիճան համակարգ՝ բակալավրիատ և մագիստրատուրա։ Ֆակուլտետներն են՝ ընդհանուր բժշկության, ստոմատոլոգիական, դեղագիտական, ռազմաբժշկական, հանրային առողջության, հետբուհական և շարունակական կրթության։ Մագիստրատուրայում կարող է սովորել բակալավրի, դիպլոմավորված մասնագետի կամ մագիստրոսի աստիճան ունեցողը: Բակալավրիատում և մագիստրատուրայում առաջին կուրսերում ընդունելության կանոններով սահմանված մրցութային կարգով ընդունված ուսանողներին տրվում է ուսման վճարի լրիվ փոխհատուցում` նպաստի ձևով: Համալսարանի ուսանողները բացառիկ հնարավորություն ունեն ստանալու նաև անվանական և հիմնադրամների սահմանած կրթաթոշակներ: Դրանց հավակնորդների մրցույթի համար սահմանվում են չափորոշիչներ:

ԲԱԺԻՆՆԵՐ

• ԱՐԱԿԱՆ
• ԻԳԱԿԱՆ
• ՄԱՆԿԱԿԱՆ

ՄԱՍՆԱԿՑԻՐ ՔԱՍԹԻՆԳԻ