ՆՅՈՒ ՅՈՐՔԻ ՍՈՒՐԲ ՎԱՐԴԱՆ ՀԱՅԿԱԿԱՆ ԵԿԵՂԵՑԻ

Սբ. Վարդան եկեղեցին հայ առաքելական եկեղեցու առաջին տաճարն է Հյուսիսային Ամերիկայում: Հայ առաքելական եկեղեցու Արևելյան թեմը կազմավորվել էր 1898թ.՝ համաձայն Խրիմյան Հայրիկի հրովարտակի: Բայց թեմի գլխավոր եկեղեցին, որ գտնվում է Մանհեթեն թաղամասում կառուցվել է միայն 1968թ.: Եկեղեցին գտնվում է Երկրորդ պողոտայի ու 34-րդ փողոցի խաչմերուկներում: Տաճարն օծել է Ծայրագույն պատրիարք, Նորին սբ. օծություն ամենայն հայոց կաթողիկոս Վազգեն Ա-ն: Գավիթի կամարները նկարազարդված են Սբ. Վարդանի կյանքի դրվագներով, որոնք կրկնօրինակում են ներկայիս Թուրքիայում գտնվող Վանա լճի Ախթամար կղզու հայկական եկեղեցու պատկերները: Տաճարի գլխավոր զարդը մեծ որմնանկարն է, որտեղ Վարդան Սպարապետը օրհնություն է ստանում Հովսեփ կաթողիկոսից: 2009թ. գարնանը Նյու Յորքի քաղաքապետ Մայքլ Բլումբերգի ներկայությամբ տեղի ունեցավ հայկական տաճարի նոր բրոնզե դարպասների բացման արարողությունը:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար