ԼՅՈՒԲՈՎ ԹԱԴԵՎՈՍՅԱՆ

Ծնվել է 1988թ. նոյեմբերի 29-ին, Երևանում: 1991թ. տեղափոխվել է Մոսկվա, որտեղ 1995թ-ից հաճախել է թիվ 117 անգլիական թեքումով միջնակարգ դպրոց և Սոլովյովա-Սեդովայի անվան մանկական երաժշտական դպրոցի ջութակի, 1998թ-ից` ակադեմիական վոկալի դասարաններ: 2004թ. Մոսկվայի հարավ-արևելյան շրջանի ակադեմիական վոկալի մրցույթում դարձել է դափնեկիր: 2005թ. հաղթել է Սանկտ Պետերբուրգի «Հույսի Հրեշտակ» Ռուսաստանի և աշխարհի ժողովուրդների երգ ու պարի միջազգային մրցույթի ակադեմիական և էստրադային վոկալի անվանակարգերում: 2006թ. «Ընկերություն առանց սահմանների» միջազգային երաժշտական մրցույթում ներկայացրել է Հայաստանը և դարձել հաղթող: 2007թ. «Ռուսաստանի Ոսկե Ձայն» համառուսական մրցույթում դուրս է եկել եզրափակիչ: 2008-09թթ վերապատրաստվել է Փարիզի «X» համալսարանում: 2010թ. ավարտել է Մոսկվայի Մ.Տորեզի անվան պետական լեզվաբանական համալսարանի լեզվաբանական ֆակուլտետը, որտեղ այժմ դասավանդում է և ստացել է ֆրանսերեն լեզվի առաջատար մասնագետի վկայական: 2009-14թթ սովորել է Մոսկվայի Պ.Չայկովսկու անվան պետական կոնսերվատորիայի վոկալի ֆակուլտետում: 2011թ-ից Մոսկվայի Պ.Չայկովսկու անվան օպերային թատրոնի մենակատար է: Հանդես է եկել է Մոկարոյի «Ֆիգարոյի հարսանիքը», Չայկովսկու «Եվգենի Օնեգին», «Իոլանտա», Պուչչինիի «Բոհեմ» օպերաներում: