Էդգար Խոջիկյան

Կինոռեժիսոր

Սուրեն Չանչուրյան

Պարող, պարուսույց

Մելիք Մավիսակալյան

Կոմպոզիտոր, դիրիժոր

Վլադիմիր Աբրոյան

Ծաղրանկարիչ

Աննա Մարիկյան

Բալետի արտիստ, պարուսույց

Հասմիկ Լեյլոյան

Քանոնահար

Աշոտ Արամյան

Քանդակագործ, դիզայներ

Ավո Խալաթյան

Դերասան, երգիչ

Սերգեյ Սմբատյան

Դիրիժոր, ջութակահար

 

 

 

 

ՎԻՈԼԵՏ ԳՐԻԳՈՐՅԱՆ

Բանաստեղծ

Ծնվել է 1963թ. դեկտեմբերի 23-ին, Իրանի մայրաքաղաք Թեհրանում: 1976թ. տեղափոխվել է Հայաստան և բնակություն հաստատել Աբովյան քաղաքում: 1982-87թթ սովորել է Երևանի Խ.Աբովյանի անվան պետական մանկավարժական ինստիտուտի բանասիրական ֆակուլտետում: Աշխատել է «Մունետիկ», «Ժամանակ Երևան», «Պանորամա» թերթերում` որպես թղթակից, մշակութային բաժնի վարիչ: 2005-07թթ եղել է Հայաստանի Մարդու իրավունքների պաշտպանության «Դիտորդ» հանդեսի խմբագիրը, 2000թ.՝ Հայաստանի հանրային հեռուստաընկերության «Գաուդիամուս» ուսանողական հաղորդման սցենարիստը: 2004թ. «Կենտրոն» հեռուստաընկերությամբ հիմնել է հեղինակային «Ինքնագիր» հաղորդաշարը: 2007թ. եղել է «Շանթ» հեռուստաընկերության «Թաքնված տաղանդ» հաղորդաշարի ժյուրիի անդամ, ապա` առավոտյան հաղորդման հաղորդավար, 2011թ.` «Իմ անունն է» հաղորդման ժյուրիի անդամ: 2001թ. Վահրամ Մարտիրոսյանի համախմբագրությամբ հիմնել է «Բնագիր», իսկ 2004-ից` արդեն միայնակ` «Ինքնագիր» գրական հանդեսը, որի խմբագիրն է: Վահան Իշխանյանի հետ «Ինքնագիր գրական ակումբի» համահիմնադիրն է: Հրատարակել է «Ճշմարիտ, ճշմարիտ եմ ասում» (1991թ.), «Քաղաքը» (1998թ.), «Que cet hiver est rude» («Այս ինչ դժվար ձմեռ է», հայերեն-ֆրանսերեն, 2000թ.), «Սեր» (հայերեն-ֆրանսերեն, 2006թ.), «Հարեմի վարդ» (հայերեն-անգլերեն, 2009թ.), «Կամուրջ դեպի Տանյան» (2012թ.) բանաստեղծությունների գրքերը: 1991թ. նրա «Ճշմարիտ, ճշմարիտ եմ ասում» գիրքն Հայաստանի գրողների միության կողմից արժանացել է «Լավագույն պոեզիայի ժողովածու» մրցանակի, իսկ 2000թ. նրա «Քաղաքը» գիրքն արժանացել է «Ոսկե եղեգն» պետական մրցանակի: 2011թ-ից աշխատում է «Թումո» ստեղծարար տեխնոլոգիաների կենտրոնում` որպես խորհրդատու և բովանդակության լեզվամշակման խմբագիր: Եղել է մի քանի էլեկտրոնային կայքերի բլոգեր:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար