Հրանտ Ասատուր

Բանասեր, գրաքննադատ

Գևորգ Ալթունյան

Գրականագետ, թարգմանիչ, դրամատուրգ

Ռուբեն Նաքյան

Քանդակագործ

Մկրտիչ Խերանյան

Բանաստեղծ, արձակագիր, թարգմանիչ

Թուշիկ Խաչատրյան

Օպերային երգչուհի

Լևոն Մադոյան

Դուդուկահար

Երվանդ Մանարյան

Դերասան, բեմադրիչ, կինոսցենարիստ

Կլարա Թերզյան

Արձակագիր, լրագրող

Էդման Այվազյան

Գեղանկարիչ

Մարի-Ռոզ Աբուսեֆյան

Դերասանուհի, բեմադրիչ

Ալեքսանդր Ադաբաշյան

Դերասան, գեղանկարիչ

Վարդան Թովմասյան

Քանդակագործ

Արա Նազարեթյան

Արձակագիր

Ասատուր Բալջյան

Օպերային երգիչ

Վազգեն Ֆիշյան

Հաղորդավար

 

 

 

 

ՌԱՖՖԻ ԱՐՄԵՆՅԱՆ

Դիրիժոր, կոմպոզիտոր

Ծնվել է 1942թ. հունիսի 4-ին, Կահիրեում: Երաժշտության առաջին դասերն ստացել է ծննդավայում: 1959թ. մեկնել է Վիեննա և ուսումը շարունակել տեղի երաժշտական ակադեմիայում: Հետագայում մեկնել է Անգլիա և 1962-65թթ սովորել Լոնդոնի համալսարանի լեռնամետալուրգիայի ֆակուլտետում: Ապա կրկին վերադարձել է Վիեննա և շարունակել երաժշտություն ուսանել տեղի երաժշտական ակադեմիայում, ուր կատարելագործվել է որպես կոմպոզիտոր և դիրիժոր: 1966-67թթ հաջորդաբար Բեռլինում մասնակցել է Հերբերտ Ֆոն-Կարայանի անվան նվագավարական մրցույթին, շահել 2-րդ մրցանակը: 1968թ. Ֆրանսիայում կայացած Երիտասարդ դիրիժորների միջազգային մրցույթում ճանաչվել է հաղթող: 1969թ. տեղափոխվել է Կանադա, ուր որպես դիրիժորի օգնական սկսել է աշխատել Հալիֆաքս քաղաքի «Ատլանտիկ» սիմֆոնիկ նվագախմբում և «Կլիգեն» օպերային ընկերության նվագախմբով համերգային շրջագայություն կատարել ԱՄՆ-ում և Կանադայում: 1972 թվականին հաստատվում է իբրև Քիչնր Վատերլոուի, իսկ 1974թ. նաև Ստատֆորդի սիմֆոնիկ նվագախմբի գեղարվեստական ղեկավար ու նվագավար: 23 տարի Քիչնր-Ստատֆորդ նվագախմբերի հետ աշխատանքով այդ գրեթե ինքնագործ նվագախմբերն հասցրել է այնպիսի մասնագիտացված մակարդակի, որ նախապես 400 ունկնդիր ունեցող նվագախմբի ունկնդիրների թիվը հասել է 8500-ի: Այսպիսի բացառիկ արդյունքը կառավարությանն ստիպել է կառուցել մի նոր համերգասրահ, որն իր հարմարություններով ծառայում է նաև օպերային թատրոն: Այդ թատրոն-սրահը կոչվում է Ռաֆֆի Արմենյան անունով: Դիրիժորը պարգևատրվել է Կանադայի բարձրագույն շքանշանով՝ «Orden of Canada»: Սիմֆոնիկ նվագավարը, որի հայտագրում ընդգրկված են Մոնտեվերդիից մինչև Առնոլդ Շյոնբերգ, Յոհան Սեբաստիան Բախ, Լյուդվիգ վան Բեթհովեն, Յոհաննես Բրամս, Յոհան Շտրաուս, մեկնաբանել է նաև հայ ազգային երաժշտությունը: 1981թ. Դետրոյտում՝ Միչիգանի օպերային թատրոնի արտիստական կազմով պատրաստել և հինգ անգամ ներկայացրել է Ա.Տիգրանյանի «Անուշ» օպերան՝ Ժիրայր Փափազյանի թարգմանությամբ և բեմադրությամբ: Աշխատել է նաև Քվեբեկի, Տորոնտոյի սիմֆոնիկ և Արվեստի ազգային կենտրոնի նվագախմբերի, ինչպես նաև` կանադական օպերային թատրոնի հետ: 1994թ. այցելել է Երևան՝ ղեկավարելով Գուստավ Մալերի առաջին սիմֆոնիան, Շումանի թավջութակի կոնցերտը: 1995թ. կրկին Երևանում հանդես է եկել երկու համերգով՝ ծրագրում ունենալով Պ.Չայկովսկու 4-րդ ու Բեթհովենի 5-րդ սիմֆոնիաները, Յ.Բրամսի «Ակադեմիական նախերգանքը», Շտրաուսի Իրիկնային չորս երգը (մեներգչուհի՝ Հասմիկ Հացագործյան), Բեթհովենի դաշնամուրային 4-րդ կոնցերտը (մենակատար՝ Անահիտ Ներսիսյան): Տորոնտոյի համալսարանի երաժշտական ֆակուլտետի պրոֆեսոր է:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար