Միքայել Չամչյան

Պատմաբան, լեզվաբան

Գարեգին Զարբհանալյան

Գրականագետ, մատենագետ, թարգմանիչ

Ալպերթ Աբալյան

Բժիշկ, արձակագիր

Պերճ Ակնունի

Գեղանկարիչ

Պերճ Ֆազլյան

Բեմադրիչ, դերասան

Լուսինե Կիրակոսյան

Դերասանուհի

Լևոն Ժամկոչյան

Գեղանկարիչ, քանդակագործ, դիզայներ

Երվանդ Ղարիբյան

Հաղորդավար

Հասմիկ Սամվելյան

Հաղորդավար, լրագրող

 

 

 

 

ԱՐԱՐԱՏ ՀԱԿՈԲՅԱՆ

Պատմաբան

Ծնվել է 1947թ. փետրվարի 26-ին, Հայաստանի Ապագա գյուղում (այժմ՝ ՀՀ Արմավիրի մարզում): 1966թ. ավարտել է տեղի միջնակարգ դպրոցը: 1966-71թթ սովորել է Երևանի պետական համալսարանի պատմության ֆակուլտետում։ 1971թ-ից աշխատանքի է անցել ՀՀ ԳԱ պատմության ինստիտուտում։ Ավարտելով ինստիտուտի ասպիրանտուրան՝ 1980թ. պաշտպանել է Կարսի մարզի գյուղացիության պատմությանը նվիրված թեկնածուական ատենախոսություն։ 1982թ-ից դասախոսական աշխատանքի է անցել Երևանի պոլիտեխնիկական ինստիտուտում։ 1998թ. պաշտպանել է դոկտորական ատենախոսություն «Հայաստանի խորհրդարանը և քաղաքական կուսակցությունները (1918-1920)» թեմայով (2000թ-ից՝ պրոֆեսոր)։ ՀՀ ԳԱԱ պատմության ինստիտուտում գործող գիտական աստիճաններ շնորհող ԲՈՀ-ի մասնագիտական խորհրդի անդամ է։ Իր մասնակցությունն է բերել «Հայոց պատմություն» բազմահատորյակի հեղինակային և խմբագրական աշխատանքներին: Գիտահետազոտական աշխատանքներին զուգահեռ զբաղվել է նաև դասախոսական և ուսումնամեթոդական աշխատանքներով: 2005թ-ից գլխավորում է Երևանի պետական տնտեսագիտական համալսարանի պատմության և քաղաքագիտության ամբիոնի աշխատանքները: Համահեղինակել է 8-րդ և 9-րդ դասարանների «Հայոց պատմություն» դպրոցական դասագրքերը: Հեղինակել է ավելի քան 10 մենագրություն, 70-ից ավելի գիտական հոդվածներ ու գրքույկներ, 100-ից ավելի հրապարակախոսական, քաղաքական և այլ բնույթի հրապարակումներ։ Հրատարակվել են նրա «ՀՅԴ 9-րդ ընդհանուր ժողովը» (1994թ.), «Կարսի մարզ։ Գյուղացիության պատմության ուրվագծեր (1878-1917 թթ.)» (2000թ.), «Հայաստանի խորհրդարանը և քաղաքական կուսակցությունները (1918-1920 թթ.)» (2005թ.), «Հայաստանի հանրապետության պարբերական մամուլի պատմություն (1918-1920 թթ.)» (2005թ.), «Հայաստանի հանրապետություն (1918-1920 թթ.)» (2005թ.), «Խորհրդային Հայաստանը Մոսկվայի և Կարսի պայմանագրերում» (2010թ.), «Միակուսակցական վարչակարգի ձևավորումը Խորհրդային Հայաստանում (1920-ական թվականներ)» (2016թ.) և այլ աշխատություններ: