Սիմեոն Ապարանցի

Պատմաբան, բանաստեղծ

Սիմոն Վրացյան

Պետական գործիչ, հրապարակախոս

Էլիզա Բինեմեճյան

Դերասանուհի

Գուրգեն Ավետիսյան

Քանդակագործ, գեղանկարիչ

Զավեն Սարգսյան

Լուսանկարիչ

Էդուարդ Զորիկյան

Երգահան, երգիչ

Արմեն Բարսեղյան

Դերասան, բեմադրիչ

Կարեն Խաչատրյան

Մնջախաղաց, պարող

Տիգրան Դանիելյան

Հաղորդավար, լրագրող

 

 

 

 

ՄԱՂՎԱԼԱ ԳԵՈՒՐԿՈՎԱ

Թարգմանիչ

5 դեկտեմբեր, 1942 - 21 փետրվար, 2019

Մաղվալա Սահակյան

Ծնվել է Թբիլիսիում: Ավարտել է Թբիլիսիի պետական համալսարանի դասական բանասիրության ֆակուլտետը, այնուհետև ՀՀ ԳԱ ասպիրանտուրան։ 1968թ-ից հաստատվել է Երևանում։ Կատարել է թարգմանություններ վրացերենից հայերեն և հակառակը։ Թարգմանել է հայ և վրացի դասական և ժամանակակից գրողների ստեղծագործություններ։ Եղել է Վրաստանի գրողների միության պատվավոր անդամ, 1997թ-ից՝ Հայաստանի գրողների միության անդամ։ Եղել է նաև ՀՀ-ում Վրաստանի դեսպանության «Իվերիա» համայնքի վրացերեն լեզվի ուսումնասիրման կենտրոնի ղեկավարը և «Իվերիա» թերթի խմբագիրը, միաժամանակ նաև՝ Հայաստանում վրացերենից նոտարական թարգմանության արտոնագրված թարգմանչուհի։ Հեղինակել է շուրջ 30 թարգմանական գիրք։ Հրատարակվել են նրա Ճաբուա Ամիրեջիբի «Դաթա Թութաշխինա» (1990թ.), Քեյ Քաուսի «Ղաբուս Նամե» (1999թ.), «Ժամանակակից հայ գրողներ» (2005թ.), «Սիրապարտներ» (վրացի արդի արձակ, 2010թ.), Լևոն Անանյանի «Վայրի կակաչ» (2011թ.) և այլ երկեր: Նրա Քեյ Քաուսի «Ղաբուս նամե» գիրքն արժանացել է ՀԳՄ Հովհաննես Խան-Մասեհյանի անվան մրցանակի։ Արժանացել է նաև ՀՀ կրթության և գիտության նախարարության ոսկե մեդալի, 2000թ.՝ ազգամիջյան հարաբերությունների խորացման և զարգացման համար տարած աշխատանքների համար ԱՄՆ-ի կողմից մեծ և փոքր ոսկե մեդալների, 2004թ.՝ ՀԳՄ և Մայր Աթոռ Սբ. Էջմիածնի «Կանթեղ» մրցանակի, 2009թ.՝ ՎԳՄ Մաչաբելու անվան մրցանակի, 2017թ.՝ ՀԳՄ «Գրական վաստակի համար» մեդալի։ Մահացել է Երևանում: