ԼԻԱՆԱ ՀՈՎՍԵՓՅԱՆ

26 հուլիս, 1941 - 18 ապրիլ, 2021

Ծնվել է Երևանում: 1963թ. ավարտել է Երևանի պետական համալսարանի բանասիրական ֆակուլտետը, ապա՝ ՀՀ ԳԱ լեզվի ինստիտուտի ասպիրանտուրան։ 1974-81թթ եղել է ՀՀ ԳԱ Հ.Աճառյանի անվան լեզվի ինստիտուտի գիտական քարտուղար, 1981-86թթ՝ տիպաբան-զուգադրական հետազոտությունների բաժնի վարիչը, 1986-90թթ՝ հայոց լեզվի պատմության բաժնի վարիչը, 1990-95թթ՝ փոխտնօրենը։ 1988թ. ստացել է բանասիրական գիտությունների դոկտորի գիտական աստիճան, ապա՝ պրոֆեսորի կոչում։ 1997թ-ից դասավանդել է ԵՊՀ-ի բանասիրական ֆակուլտետում: Զբաղվել է գրաբարի, միջին հայերենի, հայ լեզվաբանության պատմության, հայոց լեզվի տիպաբանության հարցերով, ինչպես նաև հանրալեզվաբանական որոշ խնդիրներով։ Գրել է «Ակնարկներ միջին գրական հայերենի պատմության» (1975թ., համահեղինակ), «Սովետահայ լեզվաբանությունը 60 տարում» (1982թ.), «Գրաբարի բառակազմությունը» (1987թ.), «ԺԳ դարի հայերեն ձեռագրերի հիշատակարանների լեզուն» (1997թ.), «Գերմաներեն-հայերեն-ռուսերեն զրուցագիրք» (2003թ.), «Հայոց լեզու. Գրականություն» (2006թ.) և այլ աշխատություններ։ Մահացել է Երևանում: