Համազասպ Համբարձումյան

Թարգմանիչ, գրականագետ

Հովհաննես Ինճիկյան

Արևելագետ, պատմաբան

Սարգիս Արուտչյան

Բեմանկարիչ

Խաչատուր Ավագյան

Թատերագետ, դրամատուրգ

Կարլեն Դանիելյան

Գրականագետ

Արամ Սարոյան

Բանաստեղծ, արձակագիր

Այվազ Ավոյան

Գեղանկարիչ

Վահան Թամարյան

Արձակագիր

Վրույր Թադևոսյան

Հաղորդավար, ռեժիսոր

 

 

 

 

ԻԳԻԹ ՂԱՐԻԲՅԱՆ

Պատմաբան, հնագետ

1 դեկտեմբեր, 1937 - 16 օգոստոս, 2020

Ծնվել է Հայաստանի Մեղրաձոր գյուղում (այժմ՝ ՀՀ Կոտայքի մարզում): 1939թ. ընտանիքը տեղափոխվել է Երևան: 1957թ. ավարտել է Երևանի Հ.Թումանյանի անվան թիվ 32 միջնակարգ դպրոցը: 1957-60թթ ծառայել է խորհրդային բանակում: 1960-65թթ սովորել է Երևանի պետական համալսարանի պատմության ֆակուլտետում, 1965-68թթ՝ Երևանի պետական համալսարանի ասպիրանտուրայում: 1970թ. պաշտպանել է թեկնածուական թեզ՝ «Լոռե ամրոցը և նրա պեղումները» թեմայով: 1974թ. նրան շնորհվել է դոցենտի կոչում: 1986թ. պաշտպանել է դոկտորական ատենախոսություն «Գլաձոր (տեղադրությունը, պեղումները, վիմագրերը)» թեմայով: 1968թ-ից դասավանդել է Երևանի պետական համալսարանում (2005թ-ից՝ պրոֆեսոր): 2001-04թթ եղել է ԵՊՀ հնագիտության, 2005-09թթ՝ ԵՊՀ պատմության ֆակուլտետի հնագիտության և ազգագրության ամբիոնի վարիչը: 2000թ-ից եղել է Բնության և հասարակության մասին գիտությունների միջազգային ակադեմիայի իսկական անդամ: 2003թ-ից համատեղությամբ աշխատել է ՀՀ ԳԱԱ հնագիտության և ազգագրության ինստիտուտի միջնադարյան հնագիտության բաժնում: Աշխատանքները վերաբերում են միջնադարյան Հայաստանի պատմությանը, Լոռե բերդաքաղաքի, Թանահատի վանական համալիրի, Բջնի բերդի և այլ վայրերի հնագիտական պեղումների արդյունքներին: Հնագիտական արշավախմբեր է ղեկավարել Կյուրիկյանների մայրաքաղաք Լոռե քաղաք-ամրոցում (1966-74թթ), Թանահատի վանական համալիրում (1970-82թթ) և Բջնի ամրոցում (1977-80թթ և 2003-07թթ): Մասնակցել է նաև Դվինի, Արմավիրի, Գառնիի, Սպիտակի և Լճաշենի հնագիտական պեղումներին: Հեղինակել է միջնադարյան Հայաստանի պատմությանը, հնագիտությանը, վիմագրությանը, ճարտարապետությանը և նյութական մշակույթին վերաբերող շուրջ 70 հոդվածներ և 4 մենագրություններ: Նրա ղեկավարությամբ պաշտպանվել է թեկնածուական ատենախոսություններ: Զեկուցումներով հանդես է եկել միջազգային գիտաժողովներում (Երևան, Ստեփանակերտ, Մոսկվա, Սանկտ Պետերբուրգ, Լոս Անջելես, Թբիլիսի, Բաթումի, Աշխաբադ): Հրատարակվել են նրա «Գլաձոր (տեղադրությունը, պեղումները, վիմագիր արձանագրությունները)» (1983թ.), «Հրաշագործ սուրբ Գեղարդը» (2003թ., 2005թ.), «Լոռե բերդաքաղաքը և նրա պեղումները» (2009թ.), «Արծափ - Մեղրաձոր» (2006թ.), «Հովհանավանքը և Մուղնու սուրբ Գևորգ վանքը ըստ Զաքարիա Սարկավագի» (2005թ.) և այլ աշխատություններ: Արժանացել է ՀՀ «Մովսես Խորենացի» մեդալի, 2007թ.՝ ԵՊՀ ոսկե մեդալի, 2014թ.՝ ԵՊՀ վաստակագրի: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար