ՍՈՆԱ ՇԱՀԳԵԼԴՅԱՆ

Ծնվել է 1986թ. փետրվարի 14-ին, Երևանում: Երկու տարի սովորել է Երևանի Ա.Հեքիմյանի անվան երաժշտական դպրոցի դաշնամուրի և սոլֆեջոյի դասարաններում: 2003թ. ավարտել է Երևանի Ս.Զորյանի անվան թիվ 56 միջնակարգ դպրոցը: 1993թ. ընդունվել է «Արևիկ» մանկապատանեկան անսամբլ, 1998թ.՝ «Դո-Ռե-Մի» մշակութային կենտրոն, որտեղ մասնակցել է երաժշտական մրցույթին և հաղթել, իսկ 2000թ.՝ արժանացել 2-րդ մրցանակին: Նույն թվականին մասնակցել է Օդեսայում կայացած «Звездочка» երգի միջազգային մրցույթին և արժանացել 1-ին մրցանակին: 2001թ. Լատվիայի Դաուգապիլս քաղաքում կայացած «Saules Starini» երգի միջազգային մրցույթում արժանացել է 2-րդ մրցանակին: Մասնակցել է «Սայաթ-Նովա» համահայկական երգի փառատոնին և ստացել է մրցանակ՝ ներկայացնելով «Տար ինձ ժամանակ» երգը: 2000-04թթ մասնակցել է «Կռունկ» երգի փառատոնին և 2004թ. արժանանացել է «Տարվա լավագույն ձայն» մրցանակին: Նույն թվականին մասնակցել է «Ոսկե քնար» երաժշտական մրցանակաբաշխությանը և արժանացել «Տարվա բացահայտում» մրցանակին: 2004-08թթ սովորել է Երևանի Կոմիտասի անվան պետական կոնսերվատորիայի ջազ-վոկալ բաժնում: 2005թ. մասնակցել է Մոսկվայի «Տարվա Երգ» (2-րդ մրցանակ), Արցախի «Ընծա» (2-րդ մրցանակ), ՌԴ Արյոլ քաղաքի «Славянская звезда» (Մեծ մրցանակ) միջազգային մրցույթ-փառատոներին: 2007թ. Երևանում կայացած Կոմիտասի անվան մրցույթում արժանացել է 3-րդ մրցանակին, իսկ 2008թ. «Ոսկե քնար» մրցանակաբաշխությանը՝ «Տարվա լավագույն հիթ» մրցանակին: 2009թ. մասնակցել է Հայաստանի հանրային հեռուստաընկերության «Երկու աստղ» նախագծին (Մարկ Սաղաթելյանի հետ) և հաղթել: 2010թ. մասնակցել է «Նոր Ալիք» երգի միջազգային մրցույթին և արժանացել առաջինմրցանակին: 2012թ. Հայաստանի ազգային երաժշտական մրցանակաբաշխության ժամանակ արժանացել է «Տարվա լավագույն երգչուհի» մրցանակին: Թողարկել է «Դեպի երկինք» (2009թ.) ձայնասկավառակը: Նկարահանել է շուրջ 10 տեսահոլովակ:
 

ԲԱԺԻՆՆԵՐ

• ԱՐԱԿԱՆ
• ԻԳԱԿԱՆ
• ՄԱՆԿԱԿԱՆ

ՄԱՍՆԱԿՑԻՐ ՔԱՍԹԻՆԳԻ