Գրիգոր Օշականցի

Բանաստեղծ, հնագետ, եկեղեցական գործիչ

Փիլիպոս Վարդազարյան

Հրատարակիչ, մշակութային գործիչ

Նիկիտա Բալիև

Դերասան, բեմադրիչ, թատերական գործիչ

Հակոբ Մնձուրի

Արձակագիր

Զարեհ Խրախունի

Բանաստեղծ

Ալինա Փահլևանյան

Երաժշտագետ

Հակոբ Չոլաքյան

Ազգագրագետ, բանաստեղծ, գրականագետ, լեզվաբան

Գագիկ Գյուրջյան

Ճարտարապետ

Արմեն Ադամյան

Կիթառահար, երգիչ

Գագիկ Սիրավյան

Գեղանկարիչ

 

 

 

 

ՀՐԱՆՏ ՏԵՐ-ԱՆԴՐԵԱՍՅԱՆ

Գրականագետ, պատմաբան, թարգմանիչ

22 հոկտեմբեր, 1892 - 11 սեպտեմբեր, 1978

Ծնվել է Թուրքիայի Պարտիզակ հայաբնակ ավանում (Իզմիթի մոտ)։ Նախնական կրթությունն ստացել է ծննդավայրի Ներսես-Շուշանյան վարժարանում, ավարտել Կ.Պոլսի համալսարանի գրականության ֆակուլտետը։ 1913-24թթ եղել է ուսուցիչ-տնօրեն Ռոդոսթոյի և Կ.Պոլսի ազգային վարժարաններում, 1925-63թթ դասավանդել Պեզազյան և Մխիթարյան դպրոցներում, Կեդրոնական վարժարանում։ 1963-72թթ եղել է Կեդրոնականի տնօրենը։ Միաժամանակ դասախոսել ու գիտական աշխատանք է կատարել Կ.Պոլսի համալսարանում, զբաղվել թուրքական պատմագրության հետ առնչվող հայկական աղբյուրներով («Պատմության վերաբերյալ հայկական աղբյուրներ», 1950թ., «Ջալալիների ապստամբությունները ըստ հայկական մի աղբյուրի», 1963թ., «ԺԴ և ԺԵ դդ թուրք պատմության վերաբերյալ հայերեն մանր ժամանակագրություններ և հիշատակարաններ», 1973թ. և այլն, գրվել են թուրքերեն)։ Նրա թուրքերեն թարգմանությամբ, ծանոթագրությամբ ու մեկնաբանություններով լույս են տեսել Երեմիա Չելեպի Քյոմուրճյանի «Պատմութիւն Ստամպօլայ»-ը (1952թ.), Ղուկաս Ինճիճյանի «Ստամպօլ»-ը (2 հրտ., 1976թ.), Գրիգոր Ակներցու «Պատմութիւն ազգին նետողաց»-ը (1954թ.), Սիմեոն Լեհացու «Ուղեգրութիւն, տարեգրութիւն և հիշատակարանք»-ը (1964թ.), Գ.Օղուլլուխյանի «Ժամանակագրութիւն»-ը (1972թ.), Պետրոս դի Սարգիս Գիլանենցի «Ժամանակագրութիւն Նադիր Շահի»-ն (1974թ.) և այլն։ Կ.Պոլսի 1924-78թթ հայ մամուլում տպագրվել են նրա հոդվածներն ու ելույթները՝ հայ գրական-մշակութային հարցերի մասին։ Կատարել է ֆրանսերենից ու անգլերենից հայերեն թարգմանություններ, թարգմանել է նաև Ի.Տուրգենևի և Ա.Չեխովի գործերից։ Մահացել է Ստամբուլում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար