ՊԱՏՐԻԿ ՖԻՈՐԻ

Պատիկ Ժան-Ֆրանսուա Շուշանյան

Ծնվել է 1969թ. սեպտեմբերի 23-ին, Ֆրանսիայի Մարսել քաղաքում: Հայրը հայազգի Ժակ Շուշանյանն է, մայրը` կորսիկուհի Մարիա-Անտուանետ Ֆիորին: 12 տարեկան հասակում խաղացել է մյուզիքլում: 17 տարեկանում թողարկել է «Ստեֆանի» սինգլը: 1993թ. «Եվրատեսիլ» երգի միջազգային մրցույթում ներկայացրել է Ֆրանսիան, ուր «Մամա Կորսիկա» երգով գրավել է 4-րդ տեղը: 1994թ. թողարկել է առաջին ձայնասկավառակը: 1997թ. երգել է «Փարիզի աստվածամոր տաճարը» մյուզիքլում, որը 1999թ. ընտրվել է որպես «Տարվա լավագույն մյուզիքլ», իսկ «Belle» երգը դարձել է «Տարվա երգ»: 1998թ. «Սոնի» ընկերության հետ կնքել է պայմանագիր և թողարկել երրորդ «Վերցրու ինձ» ձայնասկավառակը: 2000թ. թողել է «Փարիզի աստվածամոր տաճարը» խումբը: Համագործակցել է շատ նշանավոր երաժիշտների հետ` Գառու, Լարա Ֆաբիան, Պատրիսիա Կասս, Թինա Արենա, Միմի Մաթի և այլք: Հյուրախաղերով մի քանի անգամ եղել է Երևանում: Թողարկել է «Puisque c'est l'heure» (1994թ.), «Le cœur à l'envers» (1995թ.), «Prends moi» (1998թ.), «Chrysalide» (2000թ.), «Patrick Fiori» (2002թ.), «Si on chantait plus fort» (2005թ.), «Les choses de la vie» (2008թ.), «L'instinct masculin» (2010թ.), «Choisir» (2014թ.) ձայնասկավառակները: